Izraıl Palestınany beıbit kelissózdi jalǵastyrýǵa shaqyrdy
ASTANA. Qyrkúıektiń 27-si. QazAqparat - Izraıl premer-mınıstri Bınıamın Netanıahý Palestına avtonomııasynyń prezıdenti Mahmud Abbasty Shyǵys Ierýsalımde ızraıldikter úshin turǵyn úı qurylystaryna salynǵan moratorııdiń merzimi aıaqtalǵannan keıin de «jedeldetilgen jáne ádil kelissózderdi» jalǵastyrýǵa shaqyrdy.
B.Netanıahý sondaı-aq, kelissózderdiń jyl boıyna beıbit kelisimge qol jetkizýge múmkindik beretindigine úmit bildirdi, dep habarlaıdy Associated Press.
Buǵan deıin M.Abbas Izraılge Shyǵys Ierýsalımdegi úılerdiń qurylysyna moratorııdiń aıaqtalýyna oraı úzildi-kesildi talap qoıǵan bolatyn. Palestına basshysy Izraılge ne tynyshtyqty, nemese qurylysty jalǵastyrýdy tańdaýdy usyndy.
Izraıl Iordan ózeniniń Batys jaǵalaýyndaǵy evreı qonystarynyń qurylysyna salynǵan moratorııdi uzartýy kerektigi týraly araǵaıyndar «tórttigi» de málim etken bolatyn. Qurylysqa salynǵan qazirgi moratorııdiń merzimi qyrkúıektiń 30-ynda aıaqtalady jáne Izraıl basshylyǵy ony ári qaraı uzartpaıtynyn birneshe ret málim etip úlgerdi.
