Izraıl Palestınanyń táýelsiz el bolýyna kelispeıdi - Netanıahý

ASTANA.KAZINFORM - Izraıl tolyqqandy egemendi Palestına memleketin qurýǵa jáne oǵan ásirese qaýipsizdik salasyndaǵy negizgi ókilettikterdi berýge kelispeıdi. Bul týraly dúısenbi kúni Aq úıde AQSh prezıdenti Donald Tramppen kezdesýinde jýrnalısterdiń suraqtaryna jaýap bergen Izraıl premer-mınıstri Bınıamın Netanıahý aıtty, dep habarlaıdy TASS.

- Meniń oıymsha, palestınalyqtar ózin-ózi basqarýǵa barlyq ókilettikterge ıe bolyp, biraq bizge (ızraıldikterge) qaýip tóndirmeýi kerek. Bul jalpy qaýipsizdikke qatysty ókilettikter árqashan bizdiń qolymyzda qalady degendi bildiredi, - dedi úkimet basshysy Taıaý Shyǵys máselesin eki el arqyly sheshýge bola ma, degen máseleni naqtylaý týraly ótinishke jaýap bere otyryp.

- Áńgime osyda, ıaǵnı Izraılde eshkim de budan ózgege kelispeıdi, biz ózimizge qol salǵaly otyrǵan joqpyz, - dedi Netanıahý.

– Biz qaýipsizdigimiz ben osy saladaǵy egemendi ókilettikterimiz bizdiń qolymyzdan qala beretin álem qalyptastyramyz.

- El buny tollyqqandy memleket emes (Palestınany), bul memleket emes deýi múmin. Bizge báribir ,- dep qosty Netanıahý.

Tramp Palestına-Izraıl janjalyn eki memlekettiń qatar ómir súrýi negizinde sheshý múmkindigi týraly suraqqa jaýap berýden jaltardy.

- Men bilmeımin. Bul suraqty Benıamın Netanıahýǵa qoıyńyzdar, - dedi AQSh prezıdenti.

Izraıldiń Gazaǵa jasaǵan tańǵy shabýylynda 39 palestınalyq qaza tapqany buǵan deıin habarlanǵan bolatyn.