Izraıl palestınalyqtarǵa Ramazandy toılaýǵa shartty túrde ruqsat beredi
ASTANA. KKAZINFORM – Ramazanǵa deıin HAMAS kepilge alynǵandary qaıtarmasa, Izraıl kúshteri Rafahtaǵy áskerı operatsııalaryn keńeıtedi. Bul týraly VVS habarlady.
Eger Ramazanǵa deıin kepilge alynǵandar qaıtarylmasa, Rafah aımaǵynda urys jalǵasa beretini atap ótildi.
Sondaı-aq, eger Izraıl qoıǵan sharttar oryndalsa, Izraıl beıbit turǵyndardyń shyǵynyn azaıtýǵa jáne amerıkalyq jáne mysyrlyq seriktestermen beıbit turǵyndardy evakýatsııalaýǵa kómektesetinin aıtty.
«HAMAStyń tańdaýy bar – eger olar berilse jáne kepilge alynǵandardy bosatsa, biz Gaza turǵyndaryna qasıetti Ramazan aıyn toılaýǵa múmkindik beremiz» – dedi Izraıldiń burynǵy qorǵanys mınıstri Benı Gants.
Musylmandardyń qasıetti Ramazan aıy 10 nemese 11 naýryzda bastalady dep kútilýde. Izraıl 2023 jyldyń 7 qazanyndaǵy oqıǵalardan keıin HAMAS tobyn joıý úshin Rafahtaǵy operatsııalardy keńeıtýdi josparlap otyrǵanyn málimdedi. Biraq ondaǵy 1,5 mıllıonǵa jýyq palestınalyqtardyń barar jeri qalmaı ma degen alańdaýshylyq kún saıyn kúsheıip keledi.
