Izraıl palestınalyqtardyń Gaza sektorynyń soltústigine jappaı oralýyna ruqsat berdi
ASTANA.KAZINFORM - Dúısenbi kúni Izraıl Gaza sektoryndaǵy Netsarım dálizinde baqylaý-ótkizý beketterin ashyp, nátıjesinde on myńdaǵan palestınalyq anklavtyń soltústigindegi úılerine qaıta bastady, dep habarlaıdy Kazinform tilshisi.
Bul HAMAS toby kepilge alynǵan ızraıldik Arbel Iehýd pen taǵy eki adamdy kepilge berýge keliskennen keıin boldy. HAMAS sondaı-aq Gazanyń soltústiginde qonys aýdarǵan turǵyndarǵa búgin tańerteń úılerine qaıtýǵa ruqsat beriletinin aıtty. Izraıl áskeri protsestiń tańǵy saǵat 7-de bastalatynyn jetkizdi.
بدء تحرك النازحين على شارع الرشيد من أجل العودة إلى شمال قطاع غزة pic.twitter.com/QD1E4kEcJb
— شبكة قدس الإخبارية (@qudsn) January 27, 2025
Palestına aqparat quraldary Izraıl qorǵanys kúshteriniń Gaza sektorynyń soltústik bóligine oralǵan qonys aýdarǵan palestınalyqtarǵa aımaqty ashý aldynda Gazanyń ortalyǵyndaǵy Netsarım dáliziniń bir bóliginen áskerlerin shyǵara bastaǵanyn habarlady. Habarlarǵa qaraǵanda, armııa Gazany ekige bóletin jáne onyń soltústigin ońtústiginen bólip turǵan Netsarım dáliziniń batys bóligin evakýatsııalaıdy.
Bitimgershilik kelisimge sáıkes, osy kezeńde Izraıl armııasy jaǵalaýdaǵy Rashıd kóshesiniń shyǵysyndaǵy áskerlerin «tolyǵymen shyǵaryp», aımaqtaǵy barlyq áskerı qondyrǵylar men qurylymdardy buzýy kerek. Izraıl men HAMAS arasyndaǵy kelisim boıynsha Gaza sektorynyń soltústigindegi turǵyndar demalys kúnderi úılerine oralýy kerek.
Alaıda Izraıl HAMAS kepilge alynǵan Arbel Iehýdty bosatpaı, kelisimdi buzdy dep málimdedi. Premer-mınıstr Bınıamın Netanıahý keńsesi Izraıldiń palestınalyqtardyń Gaza sektorynyń soltústigine oralýyna HAMAS kepildegi adamdy bosatýdy uıymdastyrmaıynsha ruqsat etpeıtinin málimdedi. Keshe on myńdaǵan gazalyq Rashıd kóshesine jınaldy. Biraq Izraıl áskeri baqylaý beketterin ashpaı, palestınalyqtarǵa jaqyndamaýdy eskertti.
Jeksenbi kúni keshke Katar deldaldary HAMAS Iehýdty jáne taǵy eki kepildi jumaǵa deıin bosatýǵa kelisti. Al Izraıl jer aýdarylǵan palestınalyqtardyń dúısenbi kúni tańerteńnen bastap Gazanyń soltústigine oralýyna ruqsat berdi.
Bul aqparatty Netanıahý da rastady. Izraıldik aqparat quraldarynyń habarlaýynsha, kepilge alynǵan Arbel Iehýd, sarbaz Agam Berger jáne taǵy bir tutqyn beısenbide, taǵy úsheýi senbi kúni bosatylady.
Qorǵanys mınıstri Israel Katts Izraıl Gaza sektorynda da, Lıvanda da atysty toqtatý kelisimderin «qatań oryndaıtynyna» ýáde berdi.
- Erejelerdi buzǵan nemese TsAHAL áskerine qaýip tóndiretin kez kelgen adam tolyǵymen jaýap beredi, - dep eskertti qorǵanys departamentiniń basshysy.
Palestınalyqtardyń Gaza sektorynyń soltústigine oralýy Izraıldegi ásire ońshyl kúshterdiń synyna ushyrady.
Asa ultshyl «Otsma Iehýdıt» partııasynyń jetekshisi Itamar Ben Gvır «Netsarım» dálizi arqyly Gaza sektorynyń soltústigine oralǵan on myńdaǵan palestınalyqtyń fotosýreti atysty toqtatý týraly kelisimniń «taǵy bir qorlaıtyn bóligi» bolǵanyn aıtty.
- Bul «tolyq jeńis» emes, tolyq kapıtýlıatsııa, - dep jazdy ol X-te.
Gaza sektoryndaǵy soǵys HAMAS pen basqa toptardyń 2023 jyly 7 qazanda Izraıldiń ońtústigindegi eldi mekenderge shabýyl jasap, 1200-den astam adamdy óltirip, 250 adamdy kepilge alǵan soń bastaldy. Urys 15 aıǵa sozyldy jáne 19 qańtarda kúshine engen atysty toqtatý kelisimimen toqtatyldy. Izraıl armııasynyń Gaza sektoryndaǵy áskerı áreketteri 47 myńǵa jýyq adamnyń ómirin qıyp, gýmanıtarlyq daǵdarysqa ákeldi.
Aıta keteıik, Gaza sektoryndaǵy atysty toqtatý kelisimi 19 qańtarda kúshine endi.
HAMAS kepilge alynǵan ızraıldik alty azamatty bosatý merzimin jarııalady.