Izraıl palestınalyqtardy Gaza sektorynan Ońtústik Sýdanǵa kóshirýdi talqylap jatyr

ASTANA. KAZINFORM – Izraıl Gaza sektoryndaǵy palestınalyqtardy Ońtústik Sýdanǵa kóshirý múmkindigin talqylap jatyr, dep habarlaıdy Euronews.

AP dereginshe, bul jospar soǵys saldarynan qıraǵan aýmaqtan halyqty jappaı kóshirý aıasynda qarastyrylýda. Izraıl premer-mınıstri Bınıamın Netanıahý Donald Tramptyń bastamasyna súıene otyryp, «erikti kóshi-qon» ıdeıasyn qoldaıdy. Uqsas usynystar ózge afrıkalyq memleketterge de joldanǵan, alaıda halyqaralyq qaýymdastyq muny halyqaralyq quqyq normalaryn buzý dep sanaıdy.

Ońtústik Sýdan bıligi Izraıl delegatsııasynyń elge kelip, lagerler qurý múmkindigin qarastyratynyn rastady. Mundaı nysandardy salý shyǵyndaryn Izraıldiń ózi óteýi yqtımal. Egıpet bul josparǵa qarsy shyǵyp, bosqyndar aǵymynan qaýiptenip otyr.

Kóptegen palestınalyqtar Gazany ýaqytsha tastap ketkisi kelgenimen, Ońtústik Sýdanǵa kóshýge úzildi-kesildi qarsy. Olar bul eldi azamattyq soǵys pen gýmanıtarlyq daǵdarysty bastan ótkergen, turaqsyzdyq pen arabtar men musylmandarǵa tarıhı turǵyda jaýlyqpen qaraǵan memleket dep sanaıdy.

Aıta keteıik, Izraıl HAMAS-ty tolyǵymen joıý josparyn jarııalady.