Izraıl – Palestına qaqtyǵysy: Qaza bolǵan tilshiler sany 18-ge jetti

Izraıl – Palestına qaqtyǵysy saldarynan kóz jumǵan buqaralyq aqparat quraldary ókilderiniń sany 18 adamǵa jetti. Kazinform bul týraly Anadolyǵa silteme jasap habarlaıdy.

Palestına tilshileri sındıkatynyń málimdemesinde aıtylǵandaı, Izraıl soqqylarynyń saldarynan palestınalyq fotojýrnalıst Rýshdı al-Sarradj mert boldy.

Sondaı-aq onda 7 qazanda bastalǵan ızraıldik shabýyldardan qaza tapqan BAQ ókilderiniń sany 18-ge jetkeni atap ótilgen.

R.Serradjdyń jubaıy Shýrýk al-Aıle Anadoly agenttiginiń tilshisine málim etkendeı, kúıeýi Gazadaǵy Tel al-Heva kvartalyna soqqy kezinde kóz jumdy.

16 qazan kúni Gazadaǵy jarylystardan 11 jýrnalıst qaza tapqany týraly jazǵan edik.

Eske salaıyq, 7 qazanda Palestınadaǵy HAMAS toby Izraılge shabýyl jasap, elder soǵys jaǵdaıyna kóshti.

Izraıl – Palestına qaqtyǵysy ýshyǵa bastaǵannan beri 4100 palestınalyq jáne 1400 ızraıldik kóz jumdy.

Qazir Gaza sektory tolyq oqshaýlaý jaǵdaıynda tur. Izraıl munda jaryq, tamaq jáne otynnyń jetkizilý joldaryn jaýyp tastady. BUU dereginshe, Gazada úsh kúnge jetetin otyn qaldy.

Qazir álem elderi Gazaǵa gýmanıtarlyq kómek jónelte bastady.