Izraıl óz azamattaryna Ortalyq Azııa elderine sapar jasaýdan bas tartýǵa keńes berdi
Izraıl óz azamattaryna erekshe qajettilik bolmasa saparǵa shyǵýǵa bolmaıtyn elderdiń tizimin jarııalady. Bul tizimge Ortalyq Azııa elderi, onyń ishinde Qazaqstan da kirdi. Kazinform agenttigi bul týraly The Times of Israel-ǵa silteme jasap habarlaıdy.
Tizimge sondaı-aq Afrıkanyń keı memleketteri, Ózbekstan, Túrikmenstan jáne t.b. kirdi.
Izraıldiń Ulttyq qaýipsizdik keńesi málimdemesinde HAMAS búkil álem boıynsha ızraıldikterge shabýyl jasaýy múmkin bolǵandyqtan, óz azamattarynyń qaýipsizdigi úshin qorqatynyn jáne sondyqtan olardan birqatar elge qajetsiz saparlardy keıinge qaldyrýdy suraıtynyn aıtty.
Uıym sonymen qatar barlyq elderge 1-den 4 deńgeıge deıingi shkala taǵaıyndaǵan keste jarııalady.
Úshinshi deńgeıde Ortalyq Azııa elderi, Ońtústik Afrıka respýblıkasy jáne Erıtreıa elderi belgilengen. Reseı men Aýstralııa ekinshi sanatqa jatqyzyldy.
