Izraıl ótken jyly Qazaqstan ekonomıkasyna 33 mıllıon dollar tikeleı ınvestıtsııa saldy

NUR-SULTAN. QazAqparat – Búgin, ıaǵnı 10 sáýir kúni Qazaqstan Respýblıkasy men Izraıl Memleketi arasyndaǵy dıplomatııalyq qarym-qatynastardyń ornaǵanyna 30 jyl toldy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

QR Syrtqy ister mınıstrliginiń baspasóz qyzmeti taratqan aqparatqa qaraǵanda, 30 jyl ishinde Qazaqstan-Izraıl yntymaqtastyǵynyń jyldan-jylǵa nyǵaıyp, ekijaqty saıası, saýda-ekonomıkalyq jáne mádenı-gýmanıtarlyq salalardaǵy yqpaldastyq joǵary deńgeıge jetti.

Dástúrli túrde joǵarǵy jáne asa joǵary deńgeıdegi kezdesýler ótýde. Parlamentaralyq baılanys damyp keledi.

SІM aralyq konsýltatsııalar turaqty negizde ótkizilýde. Taraptar Azııadaǵy ózara is-qımyl jáne senim sharalary keńesi (AÓSShK) ózara is-qımyl jasaýda, sondaı-aq ızraıldik ókilder Álemdik jáne dástúrli dinder lıderleri seziniń jumysyna belsendi qatysyp keledi.

Ekijaqty baılanystardyń mańyzdy baǵyttarynyń biri saýda-ekonomıkalyq sala bolyp tabylady. 2021 jyly Izraılden Qazaqstan ekonomıkasyna quıylǵan tikeleı sheteldik ınvestıtsııa kólemi 33 mıllıon AQSh dollaryn qurady.

1992 jyldan bastap Saýda-ekonomıkalyq yntymaqtastyq jónindegi Qazaqstan-Izraıl birlesken komıssııasy jumys isteıdi.

Eki eldiń medıtsına mamandary arasynda qarqyndy almasý júrgiziletin densaýlyq saqtaý salasy mańyzdy ról atqarady. Ekijaqty qarym-qatynastardyń kún tártibinde aýyl sharýashylyǵy salasyndaǵy yntymaqtastyq ta mańyzdy oryn alady.

Qazaqstannan Izraılge kóship barǵan evreı ultynyń ókilderi búginde eki el arasyndaǵy mańyzdy «dostyq kópiri» bolyp tabylady.

«Aıtýly kúnge oraı Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi men Izraıldiń Syrtqy ister mınıstri ıAır Lapıd bir-birine quttyqtaý hat joldady»,-delingen habarlamada.

Osyǵan deıin Qazaqstan men Irlandııanyń dıplomatııalyq qarym-qatynasyna 30 jyl tolǵanyn jazdyq.