Izraıl oppozıtsııasynyń jetekshisi Netanıahýdyń koalıtsııa qurý usynysyn medıa-manevr dep baǵalady

ASTANA. KAZINFORM – Izraıldiń «ıAshar» partııasynyń jetekshisi Gadı Aızenkot eldiń jańa úkimetin jasaqtaýǵa kiristi. Ol Bınıamın Netanıahýdyń ulttyq birlik koalıtsııasyn qurý týraly usynysyn synǵa aldy. Soǵan qaramastan, Aızenkot kelissóz júrgizýge daıyn ekenin málimdep, yqtımal yntymaqtastyqtyń birqatar shartyn atady.

Gadı Aızenkot
Foto: Anadolu

Bul týraly Anadolu habarlaıdy.

Aızenkot Netanıahýdyń kópshilikke arnalǵan úndeýin medıa-manevr dep atady. Onyń aıtýynsha, qazirgi premer-mınıstr ulttyq birlikke shaqyrǵanymen, saıası qaıshylyqtardy kúsheıtip, qarsylastaryna qarsy áreketin jalǵastyryp otyr.

Saıasatker buǵan mysal retinde Netanıahýdyń Knessestiń jańa shaqyrylymynyń ashylýynda sóılegen sózin keltirdi.

Synǵa qaramastan, Aızenkot «ıAshar» men «Lıkýd» partııalarynyń kelissóz toptary jeksenbi, 15 qarashada kezdesetinin habarlady.

Onyń aıtýynsha, Netanıahý basqaratyn partııa ózi jetekshilik etetin ulttyq birlik úkimetiniń quramyna tek ózi belgilegen qaǵıdattardy qabyldap, radıkaldy saıası kúshterden alshaqtaǵan jaǵdaıda ǵana kire alady.

Aızenkot sondaı-aq Netanıahýdy jańa úkimettiń qurylýyna jáne «Lıkýd» partııasynyń ókili, Knesset spıkeri Amır Ohananyń aýysýyna kedergi keltirýge tyrysyp otyr dep aıyptady.

Oppozıtsııa jetekshisiniń pikirinshe, partııalardyń yntymaqtastyqqa daıyndyǵy seısenbi kúni parlament spıkeri qyzmetine usynylǵan Matan Kahananyń kandıdatýrasy boıynsha ótetin daýys berý kezinde synalady. Aızenkot «Lıkýd» pen «Dinı sıonızm» partııalarynyń depýtattaryn onyń kandıdatýrasyn qoldaýǵa shaqyrdy.

14 qarasha, senbi kúni Bınıamın Netanıahý beıneúndeý jasap, Aızenkotty aldyn ala shart qoımaı, koalıtsııalyq kelissózderdi bastaýǵa shaqyrdy.

Netanıahýdyń pikirinshe, Izraılge syrtqy qaýipterge, eń aldymen Iran tarapynan tónetin qaterge qarsy tura alatyn keń aýqymdy úkimet qajet. Ol sondaı-aq saıası kúshterdi qaýipsizdik pen áskerı qyzmet máselelerindegi kelispeýshilikterdi eńserýge shaqyrdy.

Alaıda osydan birneshe kún buryn Netanıahý oppozıtsııany arab partııalarynyń qoldaýyna táýeldi bolýy múmkin úkimet qurý nıeti úshin synaǵan edi. Aızenkot bul málimdemelerdi saıası arazdyqty órshitý áreketi dep baǵalady.

8 qarashada Izraıl prezıdenti Itshak Gertsog 27 qazanda ótken parlament saılaýynyń qorytyndysy boıynsha Gadı Aızenkotqa jańa úkimetti jasaqtaýdy tapsyrdy.

Aızenkottyń kandıdatýrasyn 120 oryndyq Knessette 67 mandatqa ıe partııalardyń ókilderi qoldady. Al Netanıahýdy 46 depýtat jaqtady.

Aızenkotqa koalıtsııa qurý úshin 28 kún berildi. Qajet bolǵan jaǵdaıda bul merzimdi taǵy 14 kúnge uzartýǵa bolady.

Buǵan deıin Izraıl Frantsııa prezıdenttigine úmitker Melanshonǵa elge kirýge tyıym salǵan bolatyn.