Izraıl Mysyrmen aradaǵy «qaýipsizdik dýaly» qurylysyn aıaqtady
ASTANA. 4 qańtar. QazAqparat - Izraıl Mysyrmen shektesetin tusta «qaýipsizdik dýalyn» turǵyzyp bitti. Osynyń qurmetine keshe saltanatty shara ótip, oǵan el Premer-mınıstri Bınıamın Netanıahý, qaýipsizdik qyzmetiniń basshylary, sondaı-aq, zańsyz ımmıgranttardy eline qaıtarýmen aınalysatyn ýákiletti ókil Hagaı Adas qatysty. Bul týraly muslim.kz saıty habarlaıdy.
«Jeti aıdyń ishinde Izraılge birde-bir zańsyz ımmıgrant ótken joq,- dedi premer óz sózinde. - Shekarany zańsyz kesip ótetinderdiń jolyn kestik. On myńdaǵan adamdy óz elderine qaıtarýdy da oıdaǵydaı atqaramyz». Onyń aıtýynsha, bul is bastalyp ta ketken kórinedi.
Toqtala ketetin jaıt, tórt jylǵa josparlanǵan dýal qurylysy eki jyldyń ishinde aıaqtalǵan. Onyń uzyndyǵy - 230 shaqyrym, al jumsalǵan qarjy 430 mln-ǵa tarta dollardy quraıdy. «Ótken jyly shekarany kesip ótetinderdiń sany azaıǵan. Ótken jyldyń qańtar aıynda Izraıl aýmaǵyna 2153 sheteldik zańsyz ótken. Ótken aıda 36 adam shekarany zańsyz kesip ótken. Olar dereý tutqyndaldy»,-delingen premer-mınıstrdiń baspasóz qyzmetiniń habarlamasynda.
