Izraıl men palestınalyq top oq atýdy toqtatýǵa kelisti
AMMAN. QazAqparat – Gaza sektoryndaǵy Izraıl kúshi men qarýly palestınalyq top halyqaralyq bitimgerlerdiń kómegimen «bir ýaqytta jáne ózara» oq atýdy toqtatýǵa kelisti, dep habarlaıdy QazAqparat tilshisi AlJazeera-ǵa silteme jasap.
Bir kún buryn týyndaǵan qaqtyǵystyń órshýine 87 kúndik ashtyqtan keıin Izraıl túrmesinde qaıtys bolǵan «Palestına ıslam jıhady» tobymen baılanysty belsendi Hader Adnannyń ólimi sebep boldy. Izraıl bıliginiń málimeti boıynsha, sot aldynda qamaýda bolǵan Adnan jıyrma jyldan astam ýaqyt túrmede otyrdy jáne onyń tutqyndalýyna narazylyq bildirý úshin ashtyq jarııalady.
Seısenbide ol óz kamerasynda es-tússiz kúıinde tabylyp, aýrýhanaǵa jetkizildi, keıin qaıtys bolǵany jarııalandy, dep habarlady Izraıldiń túrme qyzmeti.
Adnannyń advokaty Djamıl ál-Hatıb jáne onymen jaqynda kezdesken adam quqyqtaryn qorǵaý tobynyń dárigeri Izraıl bıligin medıtsınalyq kómek kórsetýden bas tartty dep aıyptady.
Palestınalyq tutqynnyń ólimi Gaza sektorynda narazylyq týdyrdy. Anklavtan Izraıl boıynsha 104 zymyran atyldy, áýe qorǵanysy júıesi eldi mekenderge jiberilgen 24 snarıadty qaǵyp túsirdi, dep habarlaıdy The Times of Israel.
Zymyrandardyń biri Izraıldiń ońtústigindegi Sderot qalasyndaǵy qurylys alańyna soǵylyp, úsh sheteldik azamat jaraqat aldy.
Arsen Óteshev
