Izraıl men Palestına qyrkúıek aıynda kelissózdi jandandyrýy yqtımal
ASTANA. Tamyzdyń 20-sy. QazAqparat - Taıaý Shyǵystaǵy jaǵdaıdy beıbit jolmen retteý jónindegi Palestına men Izraıldiń arasyndaǵy tikeleı kelissóz aldaǵy qyrkúıek aıynda jandanýy yqtımal. Bul týraly jýrnalısterge AQSh Memlekettik departamentindegi anonımdi derekkóz habarlady. Onyń aıtýynsha, kelissózdi jandandyrý týraly taraptar arasyndaǵy kelisimge «qol jetkizilip otyr», dep habarlaıdy RBK agenttigi.
Derekkózdiń atap kórsetýinshe, tamyzdyń 20-synda taıaýshyǵys problemasymen aınalysatyn «kelissóz tórttiginiń» (oǵan AQSh, Reseı, Eýroodaq jáne BUU kiredi) resmı málimdemesi jasalyp, onda kelissózdiń bastalý merzimi jarııalanbaq.
Tel-Avıv pen Ramallanyń arasyndaǵy kelissóz 2008 jyldyń sońynda toqtap qalǵan bolatyn. Sol joly Izraıl Gaza sektorynda bılik júrgizýshi HAMAS qozǵalysynyń áskerı ınfraqurylymyn joıýdy maqsat etken operatsııany bastaǵan edi.
