Izraıl men OQO birneshe jobany birlesip atqarmaq
ShYMKENT. QazAqparat - Izraıl men Ońtústik Qazaqstan arasyndaǵy yntymaqtastyq nyǵaıa túsedi. Osyǵan deıin aýyl sharýashylyǵy, medıtsına salalarynda áriptestik jasasyp kele jatqan qos tarap aldaǵy ýaqytta taǵy birneshe jobany birlesip iske asyrmaq. Bastamalar Shymkentte ótken Qazaqstan-Izraıl bıznes forýmynda talqylandy.
Izraıldiń Qazaqstandaǵy elshiligi men oblystyq ákimdik ókilderi arasyndaǵy memorandým jańa jobalarǵa jol ashpaq. Sonaý keńes dáýirinen bastaý alatyn qos tarap yntymaqtastyǵynyń aýyl sharýashylyǵy, medıtsına, qaýipsizdik salalaryn damytýda mańyzy aıryqsha, dep habarlaıdy otyrar.kz">otyrar.kz .
Qos el ókilderi kúrketaýyq etin óńdeý osy yntymaqtastyq aıasynda iske asyrylǵan sátti jobalardyń biri dep sanaıdy. Bıyl 10 myń tonna daıyn ónim shyǵarýdy qolǵa alǵan kásiporyn kezinde naryqta suranysy tómendep ketken qus etin óńdep, saýdaǵa shyǵardy. Qazaqstannyń qus etin shyǵarýshylar qaýymdastyǵynyń málimetine qaraǵanda, búginde elimizde qus etine degen suranys jylyna 350 myń tonnany quraıdy eken. Mamandar bul taýarǵa qazir ózge de elderden tapsyrys kóptep túsip jatyr deıdi. Taıaý Shyǵys elinen kelgen delegattar endi balyq etin baptaýǵa da qulshynyp otyr.
Aıta keteıik, búginde oblysta ızraıldikterdiń qatysýymen 15 joba iske asýda. Onyń deni aýyl sharýshalyǵy salasynda. Sheteldik bıznesmender bizdegi klımattyq jaǵdaı men ınfraqurylymnyń jolǵa qoıylǵanyna tánti. Endi kúngeıde jasyl ekonomıkany damytyp, balamaly qýat kózderin kóbeıtsek degen nıeti bar.
Taıaý Shyǵystan kelgen bıznes ókilderi Shymkenttiń qaýipsizdigin qamtamasyz etýde áriptestik jasasýǵa daıyn. Dıalog alańynda taraptar «Qaýipsiz qala» jáne «Aqyldy qala» jobalarynyń tujyrymdamasyn da talqylady. Sondaı-aq, aldaǵy ýaqytta qos taraptyń densaýlyq saqtaý salasynda birlesip atqarar sharalary qyrýar.
