Izraıl men Lıvan Vashıngtonda kelissózderdiń jańa kezeńin bastady
ASTANA. KAZINFORM — AQSh Izraıl men Lıvan arasyndaǵy shıelenisti báseńdetý maqsatyndaǵy deldaldyq kúsh-jigerin jalǵastyrady. Bul týraly Kazinform agenttiginiń menshikti tilshisi habarlady.
Seısenbi kúni Vashıngtonda AQSh-tyń araǵaıyndyǵymen Izraıl men Lıvan arasyndaǵy kelissózderdiń tórtinshi kezeńi bastaldy.
Kezdesý AQSh Memlekettik departamentinde ótip jatyr jáne eki kúnge sozylady. Kelissózderge Izraıl men Lıvan ókilderi qatysýda. Eki memleket 1948 jyldan beri resmı túrde soǵys jaǵdaıynda qalyp otyr.
Israeli and Lebanese officials are meeting in Washington DC for a fourth round of talks. @Mike_Wagenheim
— i24NEWS English (@i24NEWS_EN) June 2, 2026
Israel's delegation is led by Ambassador Yechiel Leiter and includes Deputy National Security Adviser Yossi Draznin, IDF Planning Directorate official Amichai Levin, and… pic.twitter.com/a1S67I45w6
Lıvannyń Ulttyq aqparat agenttigi (NNA) delegatsııalardyń Vashıngtonǵa kelip, talqylaýlarǵa kiriskenin habarlady. Ázirge kelissózderdiń kún tártibi jarııalanǵan joq.
Kelissózderdiń jańa kezeńi AQSh prezıdenti Donald Tramptyń Izraıl men «Hezbolladan» jaǵdaıdy ýshyqtyrmaýǵa qatysty kepildik alǵany jónindegi málimdemesinen keıin bastaldy.
Kelissózder Izraıldiń Lıvan aýmaǵyndaǵy áskerı operatsııalary jalǵasyp jatqan kezeńde ótip jatyr. Beırýt Izraıldiń áreketteri AQSh-tyń araǵaıyndyǵymen 17 sáýirde kúshine engen atysty toqtatý rejımin buzady dep esepteıdi. Keıin bul kelisim shilde aıynyń basyna deıin uzartylǵan bolatyn.
Buǵan deıin Donald Tramp Izraıl premer-mınıstri Bınıamın Netanıahýmen telefon arqyly sóıleskennen keıin Izraıl kúshteri Beırýtqa qarsy áskerı operatsııa júrgizbeıtinin málimdegen edi.
Sondaı-aq Iran Lıvandaǵy jaǵdaıǵa baılanysty AQSh-pen aradaǵy deldaldar arqyly júrgizilip kelgen baılanystardy ýaqytsha toqtatqanyn habarlady.
Eske salaıyq, buǵan deıin Vashıngtonda Izraıl men Lıvan arasyndaǵy tikeleı kelissózderdiń úshinshi kezeńi ótken bolatyn.
