Izraıl men Lıvan Rımdegi kelissózderdi jalǵastyryp jatyr
ASTANA. KAZINFORM — AQSh-tyń araǵaıyndyǵymen Rımde Izraıl men Lıvan arasyndaǵy atysty toqtatý týraly kelisimdi iske asyrý jáne Lıvannyń ońtústigindegi jaǵdaıǵa arnalǵan kelissózderdiń jetinshi kezeńi jalǵasyp jatyr. Bul týraly Kazinform agenttiginiń menshikti tilshisi habarlady.
Beısenbi kúni taraptar kelissózderdiń úshinshi kúnine kiristi. Onda atysty toqtatý týraly kelisimdi oryndaý tetikteri, Izraıl áskerin Lıvan aýmaǵynan tolyq shyǵarý jáne shekara mańyna Lıvan armııasynyń bólimderin kezeń-kezeńimen ornalastyrý máseleleri talqylanyp jatyr.
🚨🇱🇧🇺🇸🇮🇱 After negotiations ended early yesterday because of the escalation in southern Lebanon, the third day of the seventh round of Lebanon-Israel talks has started in Rome. We’ll see what today’s talks bring. pic.twitter.com/xRDRXlfbzU
— ToniMrad (@murat_toni) August 6, 2026
Buǵan deıin kelissózderdiń ekinshi kúni josparlanǵan ýaqyttan erte aıaqtalǵan bolatyn. Oǵan Lıvannyń ońtústigindegi jaǵdaıdyń kúrt shıelenisýi sebep boldy. Izraıl Mansýrı aýyly turǵyndaryn evakýatsııalaýdy jarııalap, «Hezbollany» atysty toqtatý rejımin buzdy dep aıyptap, áýe soqqylaryn qaıta bastaǵan.
AQSh Memlekettik departamentiniń ókili kezdesýdiń jergilikti jerdegi jaǵdaıdyń ýshyǵýyna baılanysty merziminen buryn aıaqtalǵanyn rastady. Sonymen qatar ol kelissózder bekitilgen kestege sáıkes jalǵasatynyn málimdedi.
Israel reported on Thursday its first military fatalities in southern Lebanon in more than a month, after carrying out fresh strikes despite ongoing US-backed talks in Rome aimed at ending hostilitieshttps://t.co/ODDNVcHeO6 pic.twitter.com/JgaTY50dOY
— AFP News Agency (@AFP) August 6, 2026
Lıvannyń Nida Al Watan gazetiniń habarlaýynsha, AQSh-tyń dıplomatııalyq kúsh-jigeriniń arqasynda kelissózder úzilip qalmaı, úshinshi kúngi konsýltatsııalar josparlanǵandaı beısenbide jalǵasty.
Kelissózderdegi negizgi kelispeýshilikterdiń biri — Lıvannyń ońtústigindegi pılottyq aımaqtardy keńeıtý máselesi. Bul aýmaqtar Izraıl áskeri shyǵarylǵannan keıin kezeń-kezeńimen Lıvan armııasynyń baqylaýyna ótýi tıis.
Asharq Al-Awsat basylymynyń málimetinshe, Lıvan kelesi kezeńge Hıam jáne Bınt-Jbeıl qalalaryn qosýdy usynǵan. Alaıda taraptar bul máselede ázirge ortaq sheshimge kele almady. Budan bólek, kelisimderdiń oryndalýyn tekserý, jeke menshik nysandaryn ınspektsııalaý jáne qarýly toptardyń ınfraqurylymyn joıý máseleleri de ashyq kúıinde qalyp otyr.
NGO by the name 'Zazim', which works to mobilize Arab voters, receives funding from the New Israel Fund and the Rockefeller Foundation, both benefiting from U.S. tax exemptions. that political activity by funded groups could raise legal questions and accuse the Israeli left of… pic.twitter.com/8tHEXzfOHA
— DDF NEWS (@ddfmarketing1) August 5, 2026
Soǵan qaramastan AQSh tarapy kelissózderdiń nátıjesine oń baǵa berip otyr. Axios basylymynyń AQSh Memlekettik departamentindegi derekkózine súıengen málimetine sáıkes, sarapshylar úshjaqty negizdemelik kelisimdi iske asyrýdyń negizgi tetikteri boıynsha eleýli ilgerileýge qol jetkizgen. Vashıngton kelissózderdi nátıjeli ótti dep baǵalap otyr.
Kelissózder Izraıldiń Lıvannyń ońtústigine jasaǵan áýe soqqylary jalǵasyp jatqan kezde ótip jatyr. Izraıl bul operatsııalardy «Hezbolla» tarapynan atysty toqtatý rejıminiń buzylýyna jaýap dep túsindirse, Beırýt Izraıl kúshterin kezeń-kezeńimen Lıvan aýmaǵynan shyǵarýdy jáne shekara mańyndaǵy turǵyndardy úılerine qaıtarýdy talap etip keledi.
At least one Lebanese person and two Israeli soldiers were killed in an Israeli strike in southern Lebanon amid ongoing talks aimed at implementing a ceasefire
— Al Jazeera English (@AJEnglish) August 6, 2026
🔗: https://t.co/msE9u7MR85 pic.twitter.com/4dmXHYl2pF
Eske salsaq, seısenbi kúni Lıvan men Izraıl Rımde tikeleı kelissózderdiń jetinshi kezeńin bastaǵan bolatyn.
