Izraıl men Lıvan Izraıl áskerin shyǵarý kelisimin 18 aqpanǵa deıin uzartty
ASTANA. KAZINFORM – Jeksenbi kúni Aq úı Izraıl men Lıvan bıligi Izraıl áskerin Lıvan aýmaǵynan shyǵarý merzimi týraly kelisimdi 18 aqpanǵa deıin uzartýdy keliskeni týraly málimdeme taratty, dep habarlaıdy TASS aqparat agenttigi.

- AQSh baqylaýyndaǵy Lıvan men Izraıl arasyndaǵy kelisim 2025 jyldyń 18 aqpanyna deıin kúshinde bolady. Lıvan, Izraıl jáne AQSh úkimetteri sondaı-aq 2023 jyldyń 7 qazanynan keıin ustalǵan lıvandyq tutqyndardy qaıtarý týraly kelissózderdi bastaıdy, - delingen málimdemede.
Atysty toqtatý týraly 60 kúndik kelisim 27 qarashada kúshine endi. Onyń sharttarynda Izraıl 27 qańtarǵa deıin Lıvannyń ońtústiginen óz áskerin tolyǵymen shyǵaratyny kózdelgen.
Izraıl premer-mınıstri Bınıamın Netanıahý keńsesiniń juma kúni habarlaýynsha, Izraıldiń Lıvannyń ońtústiginen áskerin shyǵarýy belgilengen merzimnen keıin jalǵasatynyn málimdedi, óıtkeni lıvandyq tarap kelisim sharttaryn áli tolyq oryndamaǵan: shekaralyq aımaqtar Lıvan armııasyna berilýi jáne «Hezbolla» qozǵalysynyń qarýly kúshteri Lıtanı ózeniniń arǵy jaǵyna sheginýi tıis.
Osmyǵan deıin Izraıldiń Lıvannan áskerin shyǵarý úshin qosymsha 30 kún suraǵany týraly jazdyq.