Izraıl men HAMAS kepilge alynǵan taǵy tórt adamnyń denesin qaıtarýǵa kelisti

ASTANA. KAZINFORM – Taraptar bir mezgilde 602 palestınalyq tutqyndy bosatyp, kepilge alynǵan tórt adamnyń denesin berýge kelisti, dep habarlaıdy DW aqparat agenttigi.

Izraıl men AQSh pen EO lańkestik uıym dep tanyǵan HAMAS ıslamdyq qozǵalysy 602 palestınalyq tutqyndy bir ýaqytta bosatyp, Izraıl tarapyna kepilge alynǵan taǵy tórt adamnyń denesin berýge kelisti. Bul týraly HAMAS 25 aqpanda habarlady.

Sol kúni esimin atamaǵan ızraıldik sheneýnik The Times of Israel ınternet-basylymymen suhbatynda bul aqparatty rastady.

Kepilge alynǵandardyń máıitterin berý 26 aqpanda Mysyrdyń deldaldyǵymen júzege asyrylatyny atap ótildi.

Eske sala ketsek, HAMAS kepilge alynǵan eki adamdy jiberip, taǵy tórteýin bosatýǵa ýáde berdi. 

Izraıl palestınalyq tutqyndardy bosatý isin keıinge qaldyrdy.