Izraıl men HAMAS kelisimi aıasynda kepildiktegi adamdardyń alǵashqy toby juma kúni bosatylady
Katar Syrtqy ister mınıstrligi Izraıl men HAMAS arasyndaǵy atysty toqatý týraly 4 kúndik rejım juma kúni bastalady, sol kúni alǵashqy 13 adam kepildikten bosatylady, dep habarlaıdy Kazinform Al Jazeera telearnasyna silteme jasap.
Katar Syrtqy ister mınıstrliginiń ókili Madjed al-Ansarı kelisim sharttary boıynsha jaqyn kúnderi Gaza turǵyndaryna gýmanıtarlyq kómek jetkiziletinin de jetkizdi.
Gaza sektorynda atysty toqtatý rejımi 24-qarasha, juma kúni jergilikti ýaqyt boıynsha saǵat 07:00-de kúshine enedi.
Ol sondaı-aq katarlyq kelissóz júrgizýshilerge kepilden bosatylatyn Izraıl men Palestına turǵyndarynyń tizimi berilgenin jetkizdi.
HAMAS juma kúni atysty toqtatyp, kepildegi adamdar bosatylatynyn rastady.
Aıta keteıik, Katar Izraıl men HAMAS arasynda kelissóz júrgizýshi memleket bolyp otyr. Sársenbi kúni Izraıl úkimeti AQSh pen Katardyń HAMAS qozǵalysymen júrgizgen Gaza sektoryndaǵy keıbir Izraıl azamattaryn tutqyndaǵy palestınalyqtarmen aıyrbastap, atysty toqtatý týraly kelisimdi maquldady.
Keshirek Izraıl men HAMAS kepildegi 50 adam men kóptegen palestınalyq tutqyndardy bosatyp, birneshe apta boıy úzdiksiz júrgen soǵystan ábden qınalǵan Gaza turǵyndarynyń 4 kúnge tatýlasýy týraly kelisti.
