Izraıl men HAMAS Gaza sektorynda qysqa merzimge bitimgershilik saqtaýǵa kelisti

Bul týraly VVS habarlaıdy. «Bitimgershilik senbi kúni tańerteń, jergilikti ýaqytpen saǵat 8.00-den (5.00 Grınvıch ýaqytymen) bastalady. Budan buryn Izraıl mınıstrler kabınetiniń kúsh qurylymdary AQSh memhatshysy Djon Kerrıdiń Gaza sektorynda atysty odan da uzaq ýaqytqa toqtata turý týraly usynysyn qabyldamaı tastady. D.Kerrı Izraıl men HAMAS ıslam tobyn 18 kúnge bitimgershilikke kelý týraly usynys aıtqan bolatyn», - dep jazady VVS orys aqparattyq qyzmeti.

Toqtala ketetin jaıt, Izraıl men Hamas arasyndaǵy qaqtyǵys saldarynan basym bóligi beıbit turǵyndar bolyp tabylatyn 800-den astam palestındik jáne 36 ızraıldik qaza bolǵan edi.

Sonymen qatar, HAMAS atysty toqtatý týraly usynysqa únsiz qalyp, degenmen, qozǵalys basshylary Izraıl Gaza sektoryn qorshaýdy jalǵastyra beretin bolsa, bitimgershilikke esh barmaıtynyn málimdegen bolatyn. Sondaı-aq, álemdik kóshbasshylardyń alańdaýshylyǵyna qaramastan juma kúni Izraıl Gaza sektoryna avıatsııalyq soqqyny jalǵastyrdy. Izraıl qorǵanys armııasynyń habarlaýynsha, soqqy nátıjesinde «Islam djıhady» lıderleriniń biri óltirilgen.