Izraıl men HAMAS beıbitshilik josparynyń birinshi kezeńi boıynsha kelisimderge qol qoıdy — Tramp

ASTANA. KAZINFORM — Bul arab jáne musylman álemi, Izraıl jáne barlyq kórshi elder men AQSh úshin uly kún, dep jazdy Tramp Truth Social saıtynda.

AQSh prezıdenti Donald Tramp Izraıl men Palestınanyń radıkaldy HAMAS qozǵalysy ókilderi beıbit jospardyń birinshi kezeńi boıynsha kelisimderge qol qoıǵanyn habarlady.

— Men Izraıl men HAMAS beıbitshilik josparymyzdyń birinshi kezeńine qol qoıǵanyn maqtanyshpen habarlaımyn. Bul barlyq kepilge alynǵandar jaqyn arada bosatylady degendi bildiredi. Sondaı-aq Izraıl turaqty, berik jáne beıbitshilikke alǵashqy qadam retinde óz áskerin kelisilgen shepke shyǵarady, — dep jazdy Donald Tramp.

Osyǵan deıin HAMAS pen deldaldar arasyndaǵy kelissózdiń birinshi raýndy oń nátıjemen aıaqtalǵanyn jazǵan bolatynbyz.