Izraıl men HAMAS arasyndaǵy soǵysty toqtatý týraly kelisim kúshine endi

NUR-SULTAN. QazAqparat – Izraıl men palestınalyq top HAMAS arasyndaǵy atysty toqtatý rejımi jergilikti ýaqyt boıynsha juma kúni túngi saǵat 2-de kúshine endi. Qaqtyǵys bolǵan 11 kúninde 200-den astam adam qaza tapty. Olardyń kópshiligi Gaza sektorynda, dep habarlaıdy QazAqparat VVS-ge silteme jasap.

«Men 11 kúndik áskerı qımyldardan keıin bolǵan Gaza men Izraıl arasyndaǵy atysty toqtatý týraly sheshimdi quptaımyn jáne barlyq tarapty atysty toqtatý rejımin saqtaýǵa shaqyramyn», - dedi BUU Bas hatshysy Antonıý Gýterresh jýrnalısterge.

AQSh prezıdenti Djo Baıden Izraıl premer-mınıstri Bınıamın Netanıahýmen kelissózder júrgizgenin jáne oǵan bitimgershilik týraly sheshim qabyldaǵany úshin alǵys aıtqanyn málimdedi.

Baıden sonymen qatar AQSh Gaza sektoryna shuǵyl gýmanıtarlyq kómek kórsetý úshin BUU-men birge jumys jasaıtynyn jetkizdi.

Aıta ketsek, Palestına toptary men ızraıldik áskerdiń bir-birine oq jaýdyrý 10 mamyrda bastaldy. Palestına Densaýlyq saqtaý mınıstrliginiń málimetinshe, qaza bolǵandar sany 250 adamnan asqan, onyń 60-y – balalar. Izraıldik taraptan kem degende 12 adam qaza tapty.

Sondaı-aq, buǵan deıin biz Izraıl men Palestınanyń HAMAS áskerı tobynyń arasyndaǵy soǵysty toqtatý osy juma kúni óz kúshine enýi múmkin ekeni týraly habarlaǵan bolatynbyz.