Izraıl men HAMAS arasyndaǵy bitim kúshine endi

Bitim tórt kúnge sozylýy múmkin. Osy ýaqyt ishinde kepilge alynǵan 50 ızraıldik pen 150 palestınalyq tutqyn bosatylady, dep habarlaıdy Kazinform agenttigi DW jańalyqtaryna silteme jasap.

Gaza sektoryndaǵy atysty ýaqytsha toqtatý týraly kelisim 24 qarasha, juma kúni jergilikti ýaqyt boıynsha saǵat 6.00-de kúshine endi.

Bitim tórt kúnge sozylady dep josparlanǵan. 

Osy ýaqyt aralyǵynda kepilge alynǵan 50 ızraıldik pen 150 palestınalyq tutqyn - áıelder men kámeletke tolmaǵan balalar bosatylýy kerek.

Qatardyń aralasýymen jasalǵan kelisimge sáıkes, HAMAS uıymy kepilge alǵan alǵashqy 13 adam Máskeý ýaqytymen saǵat 17.00-de bosatylady.

Izraıl juma kúni kepilge alynǵandardyń aldyn ala tizimin alǵanyn rastady.

Osy kúni kepilge alynǵan qansha palestınalyq bosatylatyny belgisiz.

CNN ızraıldik sheneýnikke silteme jasap, áńgime 39 adam týraly bolyp jatqanyn habarlady.

 Izraıldik kepilge alynǵandar óz eline kirgennen keıin ǵana palestınalyqtar bosatylady.