Izraıl men AQSh ofshorlyq shottar týraly aqparattarmen almasatyn bolady
ASTANA. QazAqparat - Izraıl men AQSh ofshorlyq shottar týraly aqparattarmen almasý jóninde ekijaqty kelisimge qol qoıdy, dep habarlaıdy ITAR-TASS agenttigi.
Birinshi kezekte Izraıl AQSh azamattarynyń ofshorlyq shottary jáne 2014 jyldyń sońyna deıin esepshottaǵy qaldyqtary týraly aqparat beredi. Bul 2015 jyldyń 30 qyrkúıegine deıin oryndalýy kerek. Sebebi, bul qujatty Izraıl Knesseti bekitpegendikten aqparatty berýge Tel-Avıv áli kirisip otyrǵan joq.
«Bul kelisim eki eldiń salyq organdary arasynda aqparat almasýy úshin mańyzdy qujat bolmaq. Ázirge, qarjylyq mekemelerdi esepshot ıesi týraly aqparat berýge mindetteıtin quqyqtyq talaptar joq. Biraq, kóp uzamaı biz AQSh Qarjy mınıstrligine kelisim kezeńinde jańa shottar týraly aqparattardy qaraýdy keıinge qaldyrý týraly ótinish joldaımyz. Kelisimge baılanysty Izraıl salyq jınaý basqarmasy AQSh-tyń Іshki kirister qyzmetine Izraılden suratqan aqparattaryna jaýap beretin bolady. Al óz kezeginde Vashıngton bizdiń suratýymyzǵa jaýap beredi», - deıdi Izraıl Qarjy mnıstriliginiń ókili Frıda Izraelı jergilikti «Haaretz» basylymyna bergen suhbatynda.
