Izraıl men AQSh birlesip Iranǵa qarsy operatsııa bastady — Netanıahý
ASTANA. KAZINFORM — Izraıl premer-mınıstri Bınıamın Netanıahý Iranǵa qarsy Izraıl men AQSh-tyń birlesken operatsııasy týraly málimdeme jasady.
Ol operatsııanyń maqsaty — Iran úkimetinen týyndaǵan «ómirlik qaterdi» joıý jáne Tegerannyń ıadrolyq qarýǵa ıe bolýyn boldyrmaý ekendigin aıtty. Sonymen qatar, Netanıahý AQSh prezıdenti Donald Trampqa qoldaýy úshin alǵys bildirip, bul áreketterdiń úılesimdi túrde júzege asyp jatqanyn atap ótti.
— Bul «terrorıstik rejım» ıadrolyq qarýǵa ıe bolmaýy tıis, óıtkeni bul búkil adamzatqa qaýip tóndiredi, — dedi Netanıahý.
אחיי ואחיותיי אזרחי ישראל, לפני שעה קלה יצאנו ישראל וארה״ב למבצע להסרת האיום הקיומי מצד משטר הטרור באיראן.
— Benjamin Netanyahu - בנימין נתניהו (@netanyahu) February 28, 2026
אני מודה לידידינו הגדול הנשיא דונלד טראמפ על מנהיגותו ההיסטורית.
במשך 47 שנים קורא משטר האייתוללות ״מוות לישראל״, ״מוות לאמריקה״. הוא הקיז את דמינו, רצח אמריקנים רבים וטבח… pic.twitter.com/itTF5b4jB4
Izraıl úkimetiniń basshysy sondaı-aq qabyldanyp jatqan sharalardyń ıran halqyna óz bolashaǵyn anyqtaýǵa múmkindik beretinin málimdedi. Sonymen birge Netanıahý Izraıl azamattaryna operatsııa kezinde «Lvınyı ryk» komandalyq áreketterine qatysty qaýipsizdik nusqaýlaryn qatań saqtaýdy, shydamdylyq pen ishki turaqtylyqty kórsetý qajettigin eskertti.
Eske sala keteıik, Izraıl búgin Tegeranǵa «preventıvtik soqqy» jasady. Bul týraly Izraıldiń Qorǵanys mınıstri Israel Kats málimdedi.
Osy jaǵdaıǵa baılanysty áýe keńistigi jabylǵannan keıin ushaqtar Irandy aınalyp ótýge májbúr boldy.
Taıaý Shyǵystaǵy jaǵdaıǵa baılanysty Almaty men Astanadan ushyp shyqqan ushaqtar keri oralatyny belgili boldy.
Iran Izraılge qarymta jaýap retinde birneshe zymyran jiberdi.