Izraıl mańyzdy ekonomıkalyq seriktesimiz bolyp qala beredi - Nazarbaev
ASTANA. QazAqparat - Izraıl Qazaqstannyń mańyzdy ekonomıkalyq seriktesi bolyp qala beredi. Bul jaıynda búgin Aqordada Izraıl Premer-mınıstri Bınıamın Netanıahýmen keńeıtilgen quramdaǵy kelissózderden keıingi birlesken málimdeme barysynda QR Prezıdenti Nursultan Nazarbaev aıtty, dep habarlaıdy QazAqparat.
«Bizdiń elderimiz arasyndaǵy erekshe qarym-qatynastyń ornaýy da tosynnan emes. Oǵan Qazaqstannan shyqqan ondaǵan myń ızraıldikter septigin tıgizýde. Olar soǵys kezinde bizge jer aýdarylyp, osy jaqtan óz úılerin, jiti qarym-qatynas, qamqorlyq tapty jáne otandaryna qaıta oralǵannan keıin de baýyrmaldyq qarym-qatynasty saqtady. Men Tel-Avıvke barǵanymda olar týǵanyndaı qarsy alady. Olar búginde dostyqtyń kópiri bolyp sanalady jáne bizdiń yntymaqtastyǵymyzǵa kómektesedi», - dedi Elbasy.
Qazaqstan Prezıdenti Izraıl Premer-mınıstrimen ótken shaǵyn jáne keńeıtilgen quramdaǵy kelissózderdiń qorytyndysyna kóńili tolatyndyǵyn da basa aıtty.
«Qazir ǵana Bınıamın Netanıahý myrzamen kelissózder aıaqtaldy. Ol ashyq ári senimge toly ótti. Biz ekijaqty ózara is-qımyldyń, halyqaralyq kún tártibiniń, lańkestikpen kúrestiń jáne ózge de jaıttardyń keshendi máselelerin talqylap, ózekti máselelerge qatysty pikir almastyq», - dep atap ótti Nazarbaev.
