Izraıl mamandary AHQO-ǵa tranzatsııalardy minsiz júrgizýge kómektespek
«Astana» halyqaralyq qarjy ortalyǵynyń basqarýshysy Beer-Shevadaǵy zerthanamyzda boldy. Biz ol jerde Qazaqstanda bar tranzaktsııanyń aıyrmashylyǵyn kórsettik. Árıne, aıyrmashylyq óte úlken. Banktik tranzaktsııa arqyly onlaın júrgiziletin operatsııalardyń qorǵanysyn jasaýǵa tyrysamyz. Bul qarjylyq operatsııalardy qoldanatyn adamdar bolashaqta tranzaktsııany minsiz bolýy úshin jasaýda», - dedi ol.
Onyń aıtýynsha, mundaı jumystar qarjy sektoryn, servısterdi jaqsartý úshin ІT, blokcheın jáne kıberqaýipsizdik syndy salalardy qamtıdy. Osy rette sheteldik sarapshy qazaqstandyq mamandar úshin arnaıy trenıngtik baǵdarlamanyń ázirlengenin de atap ótti.
«Izraıldegideı bul jerde de kıberqaýipsizdik salasynyń ІT-mamandaryna arnalǵan jumys oryndaryn qurýǵa tyrysamyz. Sol mamandarǵa kómek kórsetý maqsatynda trenıngtik baǵdarlamalar da ázirlenbek», - dedi Ýzı Zvebner.
Aıta keteıik, forýmynyń ashylýynda QR Aqparat jáne kommýnıkatsııalar mınıstri Dáýren Abaev Qazaqstan Azııa men Eýropa tehnologııalyq ortalyqtarynyń arasynda altyn kópirge aınalatyndyǵyn aıtty.
Digital Bridge - Qazaqstandaǵy bıylǵy jyly ótip otyrǵan basty ınnovatsııalyq oqıǵa.
Qatysýshylar forýmnyń dıalogtik alańynda tsıfrlandyrý salasyndaǵy sońǵy álemdik trendterdi talqylap, aldyńǵy qatarly tájirıbelermen jáne bıznes-modeldermen bólisedi. Forýmǵa halyqaralyq ІT-qoǵamdastyǵynyń negizgi ókilderi, tehnologııa salasyndaǵy tanylǵan sarapshylar, kásiporyn basshylary, tehnologııalyq kásipkerler, sondaı-aq birqatar eldiń memlekettik sektorlarynyń ókilderi, ǵalymdar, tsıfrlyq ázirlemeler salasynyń mamandary, venchýrlyq ınvestorlar qatysýda.
Forým aıasynda «Tsıfrlyq ekonomıka damýynyń jahandyq trendi jóninde dıalogy» atty plenarlyq sessııasy ótedi. Sonymen qatar sessııa jumysyna QR Premer-Mınıstri Baqytjan Saǵyntaev, Reseı Federatsııasynyń tsıfrlyq damý, baılanys jáne buqaralyq kommýnıkatsııalar mınıstri Konstantın Noskov qatysady dep kútilýde.