Izraıl Lıvannyń ońtústigi men shyǵysynda «Hezbolla» bazalaryna soqqy jasady

ASTANA. KAZINFORM - Badnaıl, Taraııa jáne Shımstar qalalarynyń aýmaǵynda kúshti jarylysstar boldy, dep habarlaıdy reseılik TASS.

Al Jadeed telearnasynyń habarlaýynsha, Izraıl áýe kúshteriniń joıǵysh ushaqtary «Hezbolla» bazalary ornalasýy ytqımal degen nysandarǵa qýatty soqqy jasady.

Kýágerler áýeden soqqy jasalǵan aýdandarda qoıý tútinniń joǵaryǵa kóterilgenin aıtty. Zardap shekkender men mert bolǵandar týraly málimetter keltirilmedi.

- Izraıl ushaqtar Lıvannyń áýe keńistigin torýyldap júr. Olar Bekka alqaby men Sırııa shekarasy aýmaǵynda ushyp júr. Áýeden shabýyl Lıvannyń ońtústiginen jasaldy. Onda Izraıl áýe kúshteri Djermýk, El-Djabbýr, El-Mahmýdıı men Reıhandaǵy jer betindegi nysandardy atqylady, - delingen habarlamada.

Táýliktiń alǵashqy jartysynda Izraıaldiń ushqyshsyz ushatyn apparattarynyń shabýylynan «Hezbolla» uıymynyń eki belsendisi ólip, taǵy bes adam jaraqat aldy.

Respýblıkanyń densaýlyq saqtaý mınıstrliginiń málimetterinshe, jyl basynan beri Izraıl Lıvan aýmaǵyna 5 myńnan astam shabýyl jasaǵan. Solardyń saldarynan 337 adam mert bolyp, 945-i jaraqat aldy.

Osyǵan deıin Izraıl áskeri Gaza sektorynyń ońtústiginde uzyndyǵy 7 km bolatyn týnnel taptyú