Izraıl Lıvandaǵy qaýipsizdik aımaǵynan áskerin shyǵarmaıdy
ASTANA. KAZINFORM — Izraıl qorǵanys armııasy (TsAHAL) Lıvandaǵy qaýipsizdik aımaǵynan óz mindetterin oryndaǵanǵa deıin áskerin shyǵarmaıdy. Qajet bolǵan jaǵdaıda qosymsha aýmaqtarǵa kirgizýge daıyn. Bul týraly TsAHAL Bas shtabynyń bastyǵy Eıal Zamır Lıvannyń ońtústiginde ornalasqan ızraıldik áskerı qyzmetshilerge barǵan kezde málimdedi, dep habarlaıdy TASS.
— Lıvanda biz qaýipsizdik aımaǵyn qurdyq jáne ony terrorıstik ınfraqurylymnan tazalap jatyrmyz. TsAHAL Izraıl memleketiniń qaýipsizdigine jaýap beredi. Uzaq merzimdi qaýipsizdik qamtamasyz etilmeıinshe, biz qaýipsizdik aımaǵynan shyqpaımyz, — dedi Zamır.
Onyń málimdemesin armııanyń baspasóz qyzmeti taratty.
Sonymen qatar onyń aıtýynsha, Izraıl qajet bolǵan jaǵdaıda operatsııalardy tereńdetip, Lıvandaǵy qosymsha aýmaqtarǵa jetedi. Qazir TsAHAL Lıvanda, Sırııada, Gaza sektorynda, Iordan ózeniniń Batys jaǵalaýynda jáne basqa da aýmaqtarda operatsııa júrgizip jatyr.
— Birneshe maıdandaǵy operatsııalarymyz áli aıaqtalǵan joq. Biz jaǵdaıdyń ózgerýine jáne túrli stsenarıılerge daıynbyz, — dedi Zamır.
Aıta keteıik, Izraıl áskeri Lıvannyń ońtústigin artıllerııamen atqylady.
