Izraıl Lıvandaǵy «Hezbolla» uıymynyń eki múshesin joıdy

ASTANA. KAZINFORM — Izraıl armııasy Lıvannyń eki aýdanyna soqqy jasap, nátıjesinde shııttik «Hezbolla» uıymynyń eki múshesi joıyldy, dep habarlaıdy TASS.

Izraıl qorǵanys armııasynyń málimetinshe, joıylǵandardyń biri — Alı Hýseın ál-Mýsavı, ol Sırııadan Lıvanǵa qarý-jaraq jetkizý jáne kontrabandamen aınalysqan. Ekinshisi — Abdý Mahmýd ál-Saıd, eldiń ońtústiginde «Hezbollanyń» jergilikti ókili bolyp, aımaq turǵyndarymen qarjylyq jáne áskerı máseleler boıynsha baılanysqa jaýapty bolǵan.

Izraıl armııasy atap ótkendeı, bul ekeýiniń qyzmeti Izraıl men Lıvan arasyndaǵy atysty toqtatý jónindegi kelisimderdi buzý bolyp sanalady.

Buǵan deıin Izraıl qorǵanys kúshteri Gazanyń ortalyq bóligine «naqty baǵyttalǵan soqqy» jasalǵanyn habarlaǵan bolatyn.

Aıta ketelik Tramp Batys jaǵalaý anneksııalansa, Izraılge qoldaý kórsetýdi toqtatatynyn aıtty.