Izraıl Lıvandaǵy áskerı operatsııasyn keńeıtip jatyr
ASTANA. KAZINFORM — Izraıl armııasy Lıvannyń ońtústigindegi Zahranı ózeninen ońtústikke qaraı ornalasqan aýmaq turǵyndaryna shuǵyl túrde evakýatsııalaný týraly buıryq berdi, dep habarlaıdy ALJazeera.
Áskerıler evakýatsııa aımaǵynda qalǵan adamdardyń ómirine qaýip tónetinin eskertti.
Sońǵy bir táýliktiń ózinde osyndaı 10-nan astam eskertý jarııalanǵan.
Izraıl kúshteri Lıvan aýmaǵynyń ishkeri bóligine qaraı jyljyp keledi.
Ásker 2006 jyldan beri alǵash ret Lıtanı ózeninen ótti.
Sondaı-aq Izraıl áskeri Nabatııa qalasynyń mańyndaǵy strategııalyq mańyzy joǵary Bofor qamalyn baqylaýǵa aldy.
Nabatııa — óńirdegi iri ekonomıkalyq jáne mádenı ortalyqtardyń biri.
Izraıl qorǵanys mınıstri Israel Kats bul operatsııany mańyzdy taktıkalyq jetistik dep baǵalady.
Qurlyqtaǵy áskerı is-qımyldarmen qatar qaqtyǵystar da jalǵasyp jatyr.
Hezbolla qozǵalysy ushqyshsyz ushý apparattaryn belsendi qoldanyp jatyr.
Málimetterge sáıkes, keıbir drondar áýe qorǵanysy júıelerin aınalyp ótken.
Lıvan úkimeti Izraıldi «kúıdirilgen jer» taktıkasyn qoldandy jáne beıbit turǵyndardy ujymdyq jazalaýǵa ushyratty dep aıyptady.
Sonymen qatar taraptar arasyndaǵy bitim jónindegi kelissózder ázirge nátıje bermeı otyr.
Osyǵan deıin Izraıl bir táýlikte Lıvan aýmaǵyna 108 soqqy jasaǵany týraly jazdyq.
