Izraıl Latakııadaǵy sırııalyq áskerı nysandarǵa soqqy jasady

ASTANA. KAZINFORM – Izraıl ushaqtary Sırııanyń Latakııa provıntsııasyndaǵy áskerı nysandarǵa soqqy jasady. Bul týraly Al Hadath telearnasy habarlady, dep jazdy TASS aqparat agenttigi. 

Arab telearnalarynyń habarlaýynsha, Izraıl ÁÁK Djabel-ash-Shaara aýdanyn atqylap, sońǵy saǵattarda Sırııanyń birneshe provıntsııasyna barlyǵy 18 áýe shabýylyn jasaǵan.

Buǵan deıin Izraıl premer-mınıstri Bınıamın Netanıahý men Qorǵanys mınıstri Israel Kats Damaskidegi prezıdenttik saraı mańyndaǵy nysanǵa jasalǵan shabýyl týraly birlesken málimdeme jasady. 

Sondaı-aq Eýropalyq Odaqtyń Izraılge Gaza sektoryndaǵy qorshaýdy alyp tastaýdy usynǵanyn, EO komıssııasynyń ókili Anvar ál-Anýnı Izraıldi Gaza sektoryna qoıylǵan qorshaýdy joıýǵa jáne bul aımaqqa gýmanıtarlyq kómektiń jetkizilýine ruqsat berýge shaqyrǵanyn jazǵan bolatynbyz.