Izraıl qorǵanys armııasy Gaza sektoryna 100-den astam shabýyl jasady
ASTANA. KAZINFORM - Palestına bıligi anklavta 200 adamnyń ólimi týraly aqparat taratty, dep habarlaıdy Kazinform tilshisi.
- Izraıl áskerı-áýe kúshteri áskerı barlaý basqarmasy men Shın-bet qaýipsizdik qyzmeti usynǵan barlaý negizinde IDF Ońtústik qolbasshylyǵymen birge birneshe soqqy jasady, dep habarlaıdy The Times of Israel.
Armııa qolbasshylyǵy ótken demalys kúnderi Izraıl kúshteri Gaza sektoryndaǵy birneshe zymyran ushyrý qondyrǵylaryna soqqy bergenin habarlady.
Gaza sektoryndaǵy bılik ókilderi 186 adam áskerı soqqylardyń qurbany bolǵanyn jetkizdi. Izraıl áskerı kúshteri óz kezeginde beıbit turǵyndarǵa keltirilgen zııandy azaıtý úshin barlyq qajetti sharany qabyldaǵanyn atap ótti.
AlJazeera habarlaǵandaı, keıingi úsh kúnde Izraıl kúshteriniń júzden astam soqqysy 200 palestınalyqty óltirdi, qurbandardyń kópshiligi áıelder men balalar boldy.
Bul rette jeksenbide Izraıl áskerı kúshteri turǵyn úılerge, sondaı-aq kóshelerde, bazarlarda jáne baspanalarda jınalǵan adamdarǵa soqqy berýdi jalǵastyrdy.
Sonymen qatar Gaza sektorynda taǵy bir bala gıpotermııadan qaıtys boldy. Bul - anklavtaǵy segizinshi ólim.
Gaza sektorynyń Densaýlyq saqtaý mınıstrligi 2023 jyldyń 7 qazanynan bastap Gaza sektoryna soǵys kezinde kem degende 45 805 palestınalyq qaza taýyp, 109 064 adam jaraqat alǵanyn habarlady. Bul rette keıingi 24 saǵat ishinde 88 palestınalyq qaza taýyp, 208 adam jaraqat aldy.
Qorshaýǵa alynǵan Palestına anklavyna soqqylar Katar astanasynda ótip jatqan Izraıl men HAMAS arasyndaǵy atysty toqtatý týraly jumada bastalǵan kelissózder aıasynda jalǵasyp jatyr.
Jeksenbide Izraıl qorǵanys armııasynyń Bas shtabynyń bastyǵy Gertsı Halevı Iran aldaǵy kúnderi Izraılge qarsy «ekstremaldy» qadamdar jasaýǵa sheshim qabyldaǵan jaǵdaıda áskerge joǵary daıyndyqta bolýǵa buıryq berdi.
Izraıldik BAQ-tyń habarlaýynsha, eskertý Irannyń Lıvan men Sırııadaǵy sátsizdikterden keıin kóptegen qıyndyqqa tap bolýynan týyndaıdy.