Izraıl qolaısyz aýa raıyna baılanysty Gazadaǵy operatsııasyn keıinge qaldyrdy

Aımaqty qalyń bult basyp, ushqyshsyz ushý apparattarynyń kórinýin qıyndatty. Osyǵan baılanysty Izraıldiń Gaza sektoryna josparlaǵan shabýyly birneshe kúnge shegerildi, dep habarlaıdy Kazinform agenttigi DW jańalyqtaryna silteme jasap.

Izraıl qolaısyz aýa raıyna baılanysty Gaza sektorynda josparlanǵan jerústi operatsııasyn birneshe kúnge keıinge shegerdi.

«Operatsııa osy aptanyń sońynda bastalýy kerek edi, biraq qoıý bult ushqyshsyz ushaqtardyń kórýin qıyndatqan. Sondyqtan shabýyldy keıinge qaldyrý týraly sheshim qabyldandy» dep habarlady The New York Times senbi kúni keshke derekkózge silteme jasap.

Basylymnyń habarlaýynsha, josparlanǵan operatsııanyń maqsaty — ótken aptanyń sońynda Izraılge terrorıstik shabýyl jasap, júzdegen adamdy óltirgen radıkaldy ıslamshyl HAMAS qozǵalysynyń saıası jáne áskerı basshylyǵyn joıý.

Biraq aldaǵy shabýyl Izraıldi ár úı úshin birneshe aıǵa ulasatyn kóshe shaıqastaryna tartý qaýpi bar.