Izraıl Qazaqstanmen agroónerkásiptik keshen, balamaly energetıka salalarynda birlesken jobalardy júzege asyrýǵa múddeli
dep habarlaıdy QazAqparat.
«Izraılde Qazaqstan ekonomıkasyna ınvestıtsııa salǵysy keletin kompanııalar óte kóp. Bizdiń kásiporyndardyń 98 paıyzy - shaǵyn jáne orta bıznes. Sondyqtan da sizderdiń bıznes delegatsııany bizge shaqyrǵym keledi», dep atap kórsetti Bınıamın Ben Elıezer delingen Indýstrııa jáne jańa tehnologııalar mınıstrligi baspasóz qyzmetiniń taratqan habarlamasynda. Sonymen qatar, taraptar Qazaqstanda Izraıldiń qatysýymen tehnologııalyq park ashý múmkindigin zertteýge ýaǵdalasqan.
Baspasóz qyzmetiniń málimetinshe, taraptar eki memlekettiń ekonomıkalyq yntymaqtastyǵynyń perspektıvasyn talqylady. «Qazirgi tańda áriptestikti nyǵaıtý úshin jańa múmkindikter ashylyp otyr. Olar eki faktormen baılanysty. Birinshisi, Kedendik odaq aıasyndaǵy taýarlardy satatyn naryqty keńeıtý. Ekinshiden, Qazaqstanda Údemeli ındýstrııalyq-ınnovatsııalyq damý baǵdarlamasy ázirlendi, onyń mańyzdy mindetteriniń biri - sheteldik ınvestıtsııalardy tartý», dep atap ótken kezdesýde Á. Isekeshev.
Á. Isekeshevtiń aıtýynsha, Qazaqstanda shetten ákelinetin taýarlarǵa salynatyn baj salyqtary kóterildi, sondyqtan da sheteldik kompanııalar úshin daıyn ónimderin Kedendik odaqtyń aýmaǵyna ákelgennen góri, ónimdi Qazaqstanda óndirip, satý paıdalyraq bolady. «Bes jyldyq ındýstrııalandyrý baǵdarlamasy jaıly aıtatyn bolsaq, onyń aıasynda barynsha qolaıly ınvestıtsııalyq ahýaldy qalyptastyrý úshin bárin jasaıtyn bolamyz», degen kezdesýde vıtse-premer.
Sondaı-aq, Údemeli ındýstrııalyq-ınnovatsııalyq damý baǵdarlamasy aıasynda Qazaqstan Izraılge ónerkásiptiń kez-kelgen salasynda birlesken kásiporyn qurýdy, otandyq óndiriske jańa tehnologııalardy engizýdi usynyp otyr.
