Izraıl Kanadaǵa Palestına memleketin moıyndaǵan jaǵdaıda saldary qıyn bolatynyn aıtty
ASTANA. KAZINFORM – Izraıl syrtqy ister mınıstri Gıdeon Saar kanadalyq áriptesi Anıta Anandty Palestına memleketin moıyndaǵan jaǵdaıda onyń saldary qıyn bolatynyn aıtyp qorqytty, dep habarlaıdy Anadoly agenttigi.
Saar X áleýmettik jelisinde jaqyn arada Palestına memleketin moıyndaýy múmkin Kanadanyń syrtqy ister mınıstri Anandpen telefon arqyly sóıleskenin habarlady.
Saar HAMAS-tyń Gazadaǵy atysty toqtatý jáne tutqyn almasý kelissózinde ustanymyn qataıtqanyn málimdep, munyń Izraılge, ásirese Batys elderiniń «qatal dıplomatııalyq» qadamdaryna baılanysty ekenin jetkizdi.
Saar Kanadany Palestına memleketin tanýǵa baılanysty qorqytty.
- Men Frantsııa men basqa elderdiń birjaqty qadamdary Izraıldi óz sharalaryn qabyldaýǵa ıtermeleıtinin aıttym, - dep atap ótti Gıdeon Saar.
Onyń jazýynsha, Frantsııanyń Palestına memleketin tanýy Gazada atysty toqtatý jáne tutqyndar almasý kelisimine qol jetkizý múmkindigine zııanyn tıgizedi jáne bul aımaqtaǵy turaqtylyqqa septespeıdi.
Eske salaıyq, Izraıl Gaza sektoryna azyq-túlikti parashıýtpen tastaýǵa ruqsat bermek.