Izraıl Irlandııa men Norvegııadaǵy elshilerin keńesýge shaqyrdy
ASTANA. KAZINFORM — Búgin Izraıl Syrtqy ister mınıstri Israel Kats «X» áleýmettik jelisinde Norvegııa men Irlandııanyń Palestınanyń táýelsizdigin moıyndaýyna baılanysty málimdeme jasady.
«Men Izraıldiń Irlandııa men Norvegııadaǵy elshilerin Palestına memleketin moıyndaý týraly osy elderdiń sheshimderi boıynsha keńes alý úshin dereý shaqyrýdy tapsyrdym», — dep jazady Israel Kats.
Onyń aıtýynsha, Izraıl óziniń egemendigine nuqsan keltiretinderdiń aldynda únsiz qalmaıdy.
«Men Irlandııa men Norvegııaǵa aıqyn jáne birjaqty sıgnal jiberemin: Izraıl onyń egemendigine nuqsan keltirip, onyń qaýipsizdigine nuqsan keltiretinderdiń aldynda únsiz qalmaıdy. Izraıl úndemeıdi-odan ári aýyr zardaptar bolady. Eger Ispanııa Palestına memleketin taný nıetin júzege asyrsa, oǵan qarsy da osyndaı qadam jasalady», — dep atap ótti Izraıl SІM basshysy.
Búgin Ispanııa, Irlandııa jáne Norvegııa úkimetteri Palestınanyń memlekettigin moıyndaıtyn málimdeme jasaıtyny buryn habarlanǵan bolatyn.
