Izraıl Irannyń shabýylyna jaýap qaıtara ma
ASTANA. KAZINFORM – Izraıl Irannyń 1 qazanda jappaı zymyranmen jasaǵan shabýylyna jaýap qaıtarýy múmkin. Bul týraly Axios jazdy.
Shabýyl Iran aýmaǵyndaǵy munaı óndirý obektilerine, áýe qorǵanys júıesine jáne basqa da strategııalyq obektilerge baǵyttalady dep boljanyp otyr.
Irannyń Azamattyq avıatsııa uıymy eldegi barlyq reıs beısenbi kúni tańerteń toqtatylatynyn málimdedi.
Izraıldiń qaýipsizdik kabıneti seısenbi kúni Ierýsalımge jaqyn jerasty úkimetiniń býnkerinde jınaldy. Kezdesý Irannyń ballıstıkalyq zymyrandarynyń birinshi tolqyny Izraılge jetken kezde bastaldy.
– Iran 1 qazan kúni túnde úlken qatelik jasady jáne ol úshin jaýap beredi, - dedi kezdesý barysynda Izraıl premer-mınıstri Bınıamın Netanıahý.
Mınıstrler kabınetiniń otyrysy birneshe saǵattan soń aıaqtaldy. Basqosýda Izraıldiń áskerı jaýap qaıtaratyny belgili boldy. Biraq qarymta shabýyldyń qaı kezde jasalatyny, qalaı bolatyny týraly naqty sheshim qabyldanbady.
