Izraıl Iranǵa áýe shabýyldary kezinde Álı Larıdjanıdiń qaza tapqanyn jarııalady
ASTANA.KAZINFORM - Izraıl Irannyń qaýipsizdik júıesindegi mańyzdy tulǵanyń joıylǵanyn málimdedi. Alaıda Tegeran onyń qazasyn áli rastaǵan joq, dep habarlaıdy Kazinform agenttiginiń meshikti tilshisi.
Izraıl Irandaǵy operatsııa kezinde Irannyń Joǵarǵy Ulttyq qaýipsizdik keńesiniń basshysy Álı Larıdjanıge áýeden shabýyl jasap, joıdy. Izraıl qorǵanys mınıstri Israel Kats bul týraly seısenbide málimdedi.
- Premer-mınıstr ekeýmiz TsAHAL-ǵa Irandaǵy terror men qysym rejıminiń basshylyǵyn izdeýdi jalǵastyra berýdi tapsyrdyq, - dedi Kats.
Izraıl qorǵanys kúshteri Larıdjanıdiń shabýyl nysanalarynyń biri bolǵanyn rastady. Qazirgi ýaqytta onyń qaza bolǵany týraly resmı rastaý joq.
🔴Ali Larijani, Secretary of Iran’s Supreme National Security Council and the regime’s effective leader, has been eliminated.
— Israel Defense Forces (@IDF) March 17, 2026
Throughout the years, Larijani was considered one of the most veteran and senior figures within the Iranian regime leadership, and was a close associate… pic.twitter.com/kBIgSSGBm0
Izraıl BAQ-tarynyń habarlaýynsha, shabýyl Larıdjanıdiń ulymen birge turatyn páterine baǵyttalǵan. Ol buǵan deıin kópshilik aldynda sóz sóılegen, sonyń ishinde ótken jumada Ierýsalım kúnine arnalǵan is-sharalarǵa qatysqan.
مسيرة يوم القدس | شارع الثورة | طهران | ٢٢ آذار ٢٠٢٦ | بعد ١٣ يوماً من استشهاد سماحة آية الله العظمى الشهيد السيد علي خامنئي pic.twitter.com/yg99r2SGkg
— Ali Larijani | علی لاریجانی (@alilarijani_ir) March 13, 2026
Túngi operatsııanyń nátıjelerine túsinik bere otyryp, TsAHAL-dyń shtab bastyǵy Eıal Zamır naýqan barysyna áser etýi múmkin nysandardy joıýda «aıtarlyqtaı tabystarǵa» qol jetkizgenin málimdedi. Ol sondaı-aq Iran aýmaǵynda jumys isteıtin palestınalyq uıymdarmen baılanysty elementterge shabýyl jasalǵanyn qosa aıtty.
Izraıl tarapynyń málimetinshe, dál osy operatsııa Irannyń áskerılendirilgen kúshteri «Basıdj» qolbasshysy Golamreze Súleımanıge de baǵyttalǵan. Ol da qaza tapty dep boljandy, biraq Iran muny da rastaǵan joq.
Álı Larıdjanı kim?
Álı Larıdjanı - Irannyń saıası jáne qaýipsizdik júıesindegi mańyzdy tulǵa.
2025 jyldyń tamyz aıynan bastap ol Irannyń Joǵarǵy Ulttyq qaýipsizdik keńesiniń hatshysy qyzmetin atqardy jáne osy organdaǵy Joǵarǵy Kóshbasshynyń ókili sanaldy. Larıdjanı buǵan deıin 12 jyl (2008–2020) Iran parlamentiniń spıkeri qyzmetin atqardy. Buǵan deıin ol Irannyń bas ıadrolyq kelissóz júrgizýshisi (2005–2007) qyzmetin atqardy. Sońǵy jyldary ol kóbinese «qalypty konservator» retinde sıpattaldy.
Larıdjanı sonymen qatar Joǵarǵy Kóshbasshy Álı Hameneıdiń jaqyn odaqtasy jáne ol qaıtys bolǵannan keıin úkimettegi eń yqpaldy tulǵalardyń biri bolyp sanaldy.
Onyń aǵasy Sadek Larıdjanı parlament pen Iran Konstıtýtsııasynyń Qamqorshylar keńesi arasyndaǵy daýlardy sheshetin negizgi organ - Maqsattylyq keńesin basqarady.
Osyǵan deıin Irannyń Joǵary Kóshbasshysy Modjtaba Hameneıdiń Reseıde emdelip jatqany týraly habarladyq.
