Izraıl Irandy munaı tankerine shabýyl jasady dep aıyptady

AMMAN. QazAqparat - Izraıl premer-mınıstri Bınıamın Netanıahý Irandy munaı tankerine shabýyl jasady dep aıyptady, dep habarlaıdy QazAqparat tilshisi.

«Ótken aptada Iran Parsy shyǵanaǵyndaǵy munaı tankerine taǵy da shabýyl jasap, halyqaralyq navıgatsııa erkindigine nuqsan keltirdi», - dedi Netanıahý mınıstrler kabınetiniń aptalyq otyrysynda.

10 aqpanda túnde Arab teńizi akvatorııinde Lıberııa týynyń astynda júzip kele jatqan «Campo Square» kemesi Úndistan men Oman jaǵalaýynan shamamen 300 teńiz mıli (555 km) jerde shabýylǵa ushyraǵan.

Keme bazalarynyń málimetinshe, «Campo Square» kemesi ızraıldik teńiz magnaty Eııal Oferge tıesili brıtandyq «Zodiac Maritime» keme kompanııasymen baılanysty. Óz kezeginde «Zodiac Maritime» tankerdi Grekııanyń «Eletson» kompanııasy basqardy dep jaýap berdi. «Eletson» oqıǵany rastady, biraq oǵan Iran áskerı-teńiz kúshteriniń qatysy bar degendi joqqa shyǵardy.

Iran bul oqıǵaǵa qatysty málimdeme jasaǵan joq.

Basty foto: Maya Alleruzzo/Reuters

Foto: Fleetmon