Izraıl Irandaǵy jaǵdaıǵa baılanysty qaýipsizdik sharalaryn kúsheıtti
ASTANA. KAZINFORM – AQSh-tyń Iranǵa yqtımal áskerı aralasýy talqylanyp jatqan kezeńde Izraıl qaýipsizdik kúshteriniń daıyndyq deńgeıin arttyrdy, dep habarlaıdy Kazinform tilshisi.
Reuters agenttiginiń málimetinshe, Izraıl Irandaǵy keıingi jyldardaǵy eń iri úkimetke qarsy narazylyqtar men AQSh prezıdenti Donald Tramptyń Vashıngtonnyń jaǵdaı shıelenisse, aralasýǵa daıyn ekenin bildirýine baılanysty qaýipsizdik sharalaryn kúsheıtken.
Agenttikke aqparat bergen ızraıldik derekkózder sońǵy kúnderi daıyndyq deńgeıiniń artqanyn habarlady. Degenmen, qaýipsizdik keńesterine qatysqan tulǵalar Izraıldiń joǵary jaýyngerlik daıyndyǵynyń naqty maǵynasy týraly aqparat bergen joq.
Qaýipsizdik sharalarynyń kúsheıtilýine qaramastan, Izraıl Iran aýmaǵynda áskerı operatsııa júrgizý josparyn resmı túrde jarııalamady.
Maýsym aıynda eki el arasynda 12 kúnge sozylǵan áskerı qaqtyǵys bolǵan, sol kezde AQSh Izraılge áýe shabýyldaryn qoldanǵan.
Donald Tramp buǵan deıin Iran basshylyǵyna narazylyq bildirýshilerge kúsh qoldanbaýdy eskertken. Bir kún buryn ol Irandaǵy jaǵdaıǵa qatysty AQSh-tyń «kómek kórsetýge daıyn» ekenin málimdedi.
Reuters agenttiginiń habarlaýynsha, senbi kúni Izraıl premer-mınıstri Bınıamın Netanıahý men AQSh memlekettik hatshysy Marko Rýbıo telefon arqyly sóılesip, AQSh-tyń Irandaǵy jaǵdaıǵa aralasý múmkindigi talqylandy.
Sonymen qatar Netanıahý The Economist basylymyna bergen suhbatynda Irannyń Izraılge yqtımal shabýyly «aýyr zardaptarǵa» ákelýi múmkin ekenin aıtyp, jaǵdaıdyń odan ary damýy Islam respýblıkasyndaǵy ishki oqıǵalarǵa baılanysty ekenin atap ótti.
Eske sala keteıik, buǵan deıin Iranda úkimettik ǵımarattar órtke oranǵanyn jazǵanbyz.