AQSh-tyń Vırdjınııa shtatyndaǵy sý tasqyny bes adamnyń ómirin qıdy

ASTANA. KAZINFORM — AQSh-tyń Batys Vırdjınııa shtatynda tolassyz jaýǵan jańbyr men sonyń saldarynan bolǵan sý tasqyny kem degende bes adamnyń ómirin jalmady, dep habarlaıdy Anadoly. 

The New York Times gazetiniń málimetinshe, tabıǵı apat ótken demalys kúnderi shtattyń birneshe aımaǵyn qamtyp, nóser jaýynmen birge qatty jel de soqqan.

Batys Vırdjınııa shtatynyń gýbernatory Patrık Morrıssı bes adamnyń qaza tapqanyn, taǵy úsh adamnyń iz-túzsiz joǵalǵanyn rastady. Sondaı-aq sý tasqyny saldarynan birneshe ǵımarattyń qıraǵanyn málimdedi.

Shtattaǵy izdestirý-qutqarý jumystary áli de jalǵasyp jatyr. Oǵan drondar, kınologııalyq toptar jáne jedel qyzmet ókilderi jumyldyrylǵan.

AQSh-tyń Ulttyq meteorologııalyq qyzmeti kenetten bolatyn sý basý qaýpine baılanysty turǵyndardy saq bolýǵa shaqyrdy. Zardap shekken aýdandarda tótenshe jaǵdaı rejımi engizildi.

Osyǵan deıin habarlanǵandaı, ǵalymdar Kalıfornııada aldaǵy jyldary joıqyn jer silkinisi bolatynyn eskertti.