Izraıl Iran shabýyl jasaǵan jaǵdaıda qatań jaýap beretinin málimdedi
ASTANA. KAZINFORM — Taıaý Shyǵysta qarýly qaqtyǵystyń odan ári shıelenisý qaýpi saqtalyp otyr.
Izraıl Qorǵanys mınıstri Israel Kats sársenbi kúni Iran shabýyl jasaǵan jaǵdaıda eldiń óz betinshe qatań jaýap qatyp, qýatty soqqy jasaýǵa daıyn ekenin málimdedi. Bul týraly ol Yedioth Ahronoth medıa toby uıymdastyrǵan konferentsııada aıtty.
– Qazir olar aımaqtaǵy bizden basqa barlyq nysanǵa soqqy jasap jatyr. Alaıda bizge de shabýyldaýy yqtımal. Biz qorǵanýǵa daıynbyz, – dedi mınıstr.
Katz warns: Iran may strike during Jewish holidays, Israel ready to respond
— Ynet Global (@ynetnews) September 2, 2026
Defense Minister Israel Katz says Israel is monitoring Iran daily and is prepared to strike if attacked; he also repeats that Tehran’s nuclear program was ...https://t.co/dtezksQ4E0 pic.twitter.com/1uEYFWxOPD
Katstyń aıtýynsha, Izraıl áskeri qyrkúıek aıynyń ortasynda bastalatyn evreı merekeleri qarsańynda joǵary daıyndyq jaǵdaıynda tur.
– Eger Iran shabýyl jasasa, biz eshkimge qaramastan, úlken kúshpen jaýap beremiz. Ushaqtarymyz ushýǵa daıyn, – dep atap ótti ol.
Bul málimdeme AQSh pen Iran keshe bir-birine soqqy jasaýdy qaıta bastaǵannan keıin jasaldy. AQSh Ormýz buǵazy mańyndaǵy ırandyq nysandardy atqylasa, Iran jaýap retinde Iordanııa, Kýveıt, BAÁ jáne Irak Kúrdistanyndaǵy amerıkalyq áskerı obektilerge shabýyl jasady.
Al Izraıl Vashıngton men Tegeran arasynda qaıta bastalǵan ózara soqqy almasýǵa tikeleı qatysyp otyrǵan joq.
Aıta keteıik, buǵan deıin Irandaǵy úılený toıynda AQSh soqqysynan tórt adam qaza tapqanyn jazǵanbyz.
