Izraıl Iran qaýpine baılanysty Netanıahýge býnker daıyndap jatyr
ASTANA. KAZINFORM – Izraıldiń úsh iri uıymynyń biri «Shın Bet» Irannyń shabýyl qaýpine baılanysty el basshylyǵyna býnker daıyndap jatyr. Bul týraly The Times of Israel habarlady.
Jergilikti «Walla» portalynyń habarlaýynsha, birneshe júz adamǵa arnalǵan bul býnker Ierýsalım qalasynyń aýmaǵynda ornalasqan. Onyń quramyna turǵyn úıleri bar keńseler, Qorǵanys mınıstrligimen baılanys ortalyǵy kiredi jáne zymyran soqqylarynan qorǵalǵan. Soǵys kezinde joǵary shendi basshylar uzaq ýaqyt qala alatyn jerasty býnkeri tolyǵymen qaıta óńdelýde.
Shamamen 20 jyl buryn salynǵan býnker qoldanystaǵy qarý-jaraqtardyń birqataryna tótep bere alady. Qorǵanys mınıstrliginiń Tel-Avıvtegi shtab-páterimen baılanys ornatylǵan.
«Ulttyq qolbasshylyq ortalyǵy» dep te atalatyn býnker Izraıldiń Gazadaǵy sońǵy 10 aılyq soǵysy kezinde paıdalanylmaǵan. Degenmen, ony premer-mınıstr Benıamın Netanıahý men basqa da joǵary laýazymdy tulǵalar Taıaý Shyǵystaǵy shıelenistiń kúsheıýi kezinde Izraıl Iran men Hızbollanyń yqtımal shabýyldaryna qarsy daıyndap jatyr.
Aıta keteıik, Iran 48 saǵat ishinde Izraılge soqqy berýi múmkin.
