Izraıl Iran ǵalymynyń qazasyna qatysy bar dep aıyptaldy
ASTANA. Qańtardyń 15-i. QazAqparat - Iran Prezıdenti Mahmud Ahmadınejad ırandyq ǵalym, ıadrolyq fızıka salasynyń mamany Masýd Álı Mohammadıdiń ólimine qatysy bar dep Izraıldi aıyptady.
«Jasalǵan qylmys solarǵa tán» dep málim etti el prezıdenti beısenbi kúni Ahvaz qalasynda sóılegen sózinde.
«Jaýlar Iranda eldiń progress jolymen júrýine úles qosyp otyrǵan tanymal ǵalymdardyń jumys istegenin qalamaı otyr. Biraq bizdiń qastarymyz, qaza tapqan ǵalymnyń ornyna basqa 100 ǵalymnyń keletinin bilýleri kerek», dep málim etti Iran Prezıdenti óz sózinde.
Aǵymdaǵy aptanyń basynda jarylys saldarynan ıadrolyq fızıka mamany, Tegran ýnıversıtetiniń professory Massýd Álı Mohammadı mert bolǵanyn QazAqparat habarlaǵan bolatyn. Bomba onyń Irandaǵy úıiniń janynda turǵan mototsıkline qoıylǵan. Qashyqtan basqarylatyn qurylǵy ǵalymnyń úıinen shyqqan sátinde iske qosylǵan.
