Izraıl Iordan ózeniniń batys jaǵalaýynda ornalasqan bosqyndar lagerindegi 20 úıdi jaryp jiberdi

ASTANA. KAZINFORM – TsAHAL bul áreketin ǵımaratty lańkester paıdalandy dep túsindirdi. Izraıldiń Iordan ózeniniń jaǵalaýyndaǵy operatsııasy 21 qańtar kúni bastalǵan, dep habarlaıdy Euronews.

1948 jyly Izraıl memleketi qurylǵanda, onda turyp jatqan myńdaǵan palestındik úılerin tastap ketken. Olardyń keıbiri Djenındegi bosqyndar lagerine ornalasyp, onda osy kúnge deıin turyp jatyr.

Gaza sektoryndaǵy atys toqtaǵannan keıin Izraıl áskeri Batys jaǵalaýda operatsııa bastady. Bul áreketterin olar HAMAS pen «Islam djıhady» uıymdary sııaqty Iran qoldaıtyn áskerı toptardyń izine tústik, dep túsindirdi. Operatsııanyń júrgizilip jatqanyna eki apta boldy.

Senbi kúni Izrıal áskerleriniń áýeden jasaǵan soqqysynan keıin bes palestındik qaza tapty, dep habarlady densaýlyq saqtaý mınıstrligi.

Osylaısha, jańa operatsııa qurbandarynyń sany 23 adamǵa jetti.

Osyǵan deıin Izraıl men Lıvan Izraıl áskerin shyǵarý kelisimin 18 aqpanǵa deıin uzartqanyn jazdyq.