Izraıl HAMAS jetekshisi Mohammed Sınvardyń kóz jumǵanyn rastady
ASTANA. KAZINFORM – Izraıl bıligi HAMAS jetekshisi Mohammed Sınvardyń qaza bolǵanyn rastady. Gaza sektoryndaǵy jerasty komandalyq pýnktinen tabylǵan onyń denesi Izraılge jetkizilip, tanyldy, dep habarlaıdy Euronews.
TsAHAL Sınvardyń áýe shabýyly kezinde óltirilgeni týraly mamyr aıynyń sońynda habarlady.
Mohammed Sınvar HAMAS-ty ótken jyldyń kúzinen bastap burynǵy kóshbasshy, onyń úlken aǵasy ıAhıa Sınvar óltirilgennen keıin basqaryp kelgen.
Atap ótilgendeı, Izraıl áskeri Gaza sektorynda azyq-túlik taratý pýnkti mańynda ashqan atys kezinde keminde tórt adam qaza tapqan.
Mundaı pýnktterdi Gazada AQSh-tyń qoldaýymen qurylǵan gýmanıtarlyq qor ashty. Izraıl áskeri tek taratý oryndarynda qaýipsizdikti qamtamasyz etedi.
TsAHAL kómek taratylmaı jatqanda sarbazdarǵa jaqyndaýǵa tyrysqan kúdikti adamdarǵa oq jaýdyrǵanyn rastady.
Buǵan deıin Izraıl Gaza sektorynyń soltústigindegi turǵyndardy evakýatsııalaýǵa shaqyrǵanyn jazǵan bolatynbyz.