Izraıl HAMAS jeksenbi kúni qaıtarǵan taǵy úsh tutqynnyń jeke basyn ractady
ASTANA. KAZINFORM — Premer-mınıstr keńsesi sot-medıtsınalyq saraptama qorytyndysy boıynsha HAMAS qaıtarǵan máıitterdiń Izraıl áskerı qyzmetkerlerine tıesili ekenin rastalǵanyn habarlady, dep jazdy VVS.
Olar 40 jastaǵy polkovnık Asaf Hamamı, 21 jastaǵy kapıtan Omen Neýtre jáne 19 jastaǵy serjant Oz Danıel. Taǵy segiz ızraıldik jáne sheteldik tutqynnyń máıiti Gaza aýmaǵynda qalyp otyr.
HAMAS-tyń áskerı qanaty — «Izz ad-Dın ál-Qassam» brıgadalary jeksenbi keshke úsh tutqynnyń máıitin Qyzyl Krest ókilderine tapsyrǵan. Uıym olardyń «Gazanyń ońtústigindegi tonnelderdiń biriniń boıynan tabylǵanyn» málimdedi.
Máıitter Gazada Izraıl áskerılerine berildi, sodan keıin anyqtaý úshin Tel-Avıvtegi Ulttyq sot-medıtsınalyq ortalyǵyna jetkizildi.
Dúısenbi tańerteń Izraıl premer-mınıstriniń keńsesi bul máıitterdiń polkovnık Hamamı, kapıtan Neýtre jáne serjant Danıelge tıesili ekenin rastady.
«Izraıl úkimeti Hamamı, Neýtre jáne Danıel otbasylarynyń, sondaı-aq qaza tapqan barlyq tutqyndardyń otbasylarynyń aýyr qaıǵysyn bólisedi», — delingen málimdemede.
Izraıl úkimeti HAMAS óziniń mindettemelerin oryndaýǵa jáne barlyq tutqyndardy qaıtarýǵa tıis ekenin aıtty.
Eske sala keteıik, buǵan deıin HAMAS Izraılge kepilge alynǵandarǵa tıesili emes taǵy 3 adamnyń máıitin tapsyrǵan.