Izraıl HAMAS-pen soǵys úshin qansha shyǵyn jumsaıdy – Ortalyq bank boljamy

Izraıl HAMAS-pen qazirgi soǵysqa jylyna shamamen  197 mlrd shekel (53 mlrd dollarǵa jýyq) jumsaıdy. Mundaı boljamdy dúısenbide eldiń Ortalyq banki jarııalady. Kazinform bul týraly Sınhýa aqparat agenttigine silteme jasap habarlaıdy. 

Bul somaǵa qorǵanysqa jumsalatyn shamamen 107 mlrd shekel (28,9 mlrd dollar), ótemaqy jasaýǵa jumsalatyn 22 mlrd shekel (5,9 mlrd dollar) jáne basqa azamattyq shyǵyndardy óteý úshin 25 mlrd shekel (6,8 mlrd dollar) kiredi.

Boljam boıynsha, memlekettik qaryz paıyzy 8 mlrd shekelge (2,16 mlrd dollar), al qaqtyǵys saldarynan salyq túsimderinen aıyrylý 35 mlrd shekelge (9,46 mlrd dollar) baǵalanyp otyr.

Bul boljam qaqtyǵystyń Izraıl ekonomıkasyna tikeleı áseri 2024 jylǵa deıin saqtalady degen alǵyshartqa súıenip jasaldy.