Izraıl: HAMAS kóshbasshysy ıAhıa Sınvar Gazada óltirildi
ASTANA. KAZINFORM - Izraıl sheneýnikteri men TsAHAL HAMAS kóshbasshysynyń kózi joıylǵany týraly aqparatty rastady. Bul týraly Euronews jazdy.
HAMAS kóshbasshysy ıAhıa Sınvar Gaza sektoryndaǵy arnaıy operatsııa kezinde óltirildi. Bul týraly Izraıl sheneýnikteri men TsAHAL habarlady.
Izraıl barlaý agenttiginiń habarlaýynsha, toptyń basshylary jasyrynǵan jerde aıqas bolǵan. Biraq Sınvarmen qaqtyǵys «kezdeısoq» bolǵany aıtylady.
Soqqy nátıjesinde úsh sodyrdyń kózi joıyldy. Buqaralyq aqparat quraldarynyń habarlaýynsha, olardyń biri Sınvarǵa «óte uqsas» boldy jáne onyń denesi Izraılge DNQ saraptamasyna jiberildi.
ıAhıa Sınvar Izraıl izdegen terrorıster tiziminiń joǵarǵy jaǵynda boldy. Ony evreı memleketiniń bıligi 2023 jylǵy 7 qazandaǵy terrorıstik shabýyl josparyna jaýapty dep sanaıdy. Ol tamyz aıynda Tegeranda óltirilgen Ismaıl Hanııanyń lańkestik tobynyń jetekshisi boldy.
Buǵan deıin birqatar BAQ Palestına radıkaldy HAMAS qozǵalysy Saıası bıýrosynyń basshysy ıAhıa Sınvardyń tiri ekenin jáne uzaq únsizdikten keıin baılanysqa shyqqanyn habarlaǵan bolatyn.
