HAMAS qaza tapqan tutqyndardyń máıitin qaıtarmaıynsha, Izraıl Rafah ótkelin ashpaıdy
ASTANA. KAZINFORM — Izraıl men HAMAS arasyndaǵy bitim týraly kelisim kúrdeli synaqqa tap boldy: taraptar óz mindettemelerin ártúrli túsindiredi, dep jazdy Kazinform agenttiginiń menshikti tilshisi.
Izraıl Gaza sektoryndaǵy Rafah shekaralyq ótkelin jabyq kúıinde qaldyryp, gýmanıtarlyq kómektiń jetkizilýin qysqartty. Bul sheshim HAMAS qozǵalysynan qaza tapqan tutqyndardyń barlyq máıitin qaıtarýdy talap etý aıasynda qabyldanǵan. Bul jóninde The Times of Israel basylymy habarlady.
Atalǵan sheshim seısenbi kúni Izraıldiń Qorǵanys mınıstrliginde ótken jınalys pen áskerı-saıası kabınettiń konsýltatsııalarynan keıin qabyldandy. Izraıl tarapynyń málimetinshe, HAMAS bitim sharttaryn buzǵan, sebebi Gaza sektorynda ustalǵan 28 qaza tapqan tutqynnyń tek tórteýiniń ǵana máıitin qaıtarǵan. Izraıl áskeri HAMAS tarapynan kelisimder aıasynda naqty áreket baıqalmaı otyr dep esepteıdi. Bul kelisimder AQSh, Egıpet, Katar jáne Túrkııanyń araǵaıyndyǵymen jasalǵan bolatyn.
Rafah ótkeli — Gaza men Egıpet arasyndaǵy shekaradaǵy basty gýmanıtarlyq dáliz. Izraıl onyń jumysyn is júzinde baqylaýda ustap otyr: ótkeldiń ashylý tártibi men júk qozǵalysyn sol jaq sheshedi.
13 qazan kúni HAMAS Izraılge tórt tutqynnyń máıitin tapsyrdy: 26 jastaǵy Gaı Illoýz, 23 jastaǵy Nepal azamaty Bıpın Djoshı jáne aty-jóni jarııalanbaǵan taǵy eki adam. Sonymen qatar, qozǵalys 20 tutqyndy tirideı bosatty. Alaıda taǵy 24 adamnyń máıiti Gaza sektorynda qalyp otyr.
🟡 IDF representatives informed the families of Guy Iluz, Bipin Joshi, and two additional deceased hostages, whose names have not yet been cleared for publication by their families, that their loved ones have been brought back for burial.
— Israel Defense Forces (@IDF) October 14, 2025
According to the information and… pic.twitter.com/sL7HpkiN5l
Izraıl úkimetiniń sheshimine sáıkes, Rafah ótkeli bitim shartyna qaramastan ashylmaıdy. Sonymen birge, basqa ótkelder arqyly gýmanıtarlyq júktiń kelýi de shekteledi.
— HAMAS-qa qysym kórsetile beredi ári barlyq tutqyndar qaıtarylmaıynsha raıymyzdan qaıtpaımyz, — dedi Izraıl úkimetiniń tutqyndar jáne joǵalǵandar máselesi jónindegi úılestirýshisi Gal Hırsh.
Hırshtiń aıtýynsha, bul másele dúısenbi kúni Izraıl premer-mınıstri men AQSh prezıdenti Donald Tramptyń kelissózderinde kóterilgen. Sondaı-aq bul taqyryp Sharm-esh-Sheıhtegi konferentsııada Mysyr prezıdenti Abdel Fattah as-Sısıdiń sózinde de aıtylǵan.
Osy ýaqytta Halyqaralyq Qyzyl Krest komıtetiniń (HQKK) ókili Krıstıan Kardon máıitterdi qaıtarý — «aýqymdy mindet» ekenin aıtyp, bul úderis qıratylǵan jáne jetý qıyn aýdandardaǵy izdeýge baılanysty birneshe aptaǵa sozylýy múmkin ekenin jetkizdi.
BUU men Qyzyl Krest ókilderi Gaza sektoryna barlyq ótkelderdi ashýǵa shaqyryp otyr. Olar shekteýlerdiń gýmanıtarlyq daǵdarysty ýshyqtyryp jatqanyn alǵa tartty.
Palestına bosqyndary jónindegi BUU agenttigi (UNRWA) azyq-túlik, dári-dármek jáne alǵashqy qajettiliktegi taýarlar tıelgen gýmanıtarlyq júk kerýenderiniń Gazaǵa kire almaı turǵanyn málimdedi.
— Bizde búkil halyqqa úsh aıǵa jetetin qor bar, biraq jetkizýge ruqsat berilmeı otyr, — delingen agenttik málimdemesinde.
Mysyr men Katar ókilderi máıitterdi izdeý jumysyn jalǵastyra beredi. Al-Araby basylymynyń habarlaýynsha, mysyrlyq mamandar Gaza sektorynda júr ári bul baǵytta ızraıldik áriptesterimen keńesip jatyr.
2023 jylǵy 7 qazannan keıin qurylǵan, Gaza sektorynda urlanǵan jáne ustalǵan azamattardyń týystaryn biriktiretin «Tutqyndar men joǵalǵandar otbasy forýmy» Izraıl úkimetin qaza tapqandardyń taǵdyryna jaýapkershilikten jaltarýǵa tyrysty dep aıyptady.
— Kelisim eki taraptan da oryndalýy tıis; ony buzý dereý jaýapqa ákelýi qajet, — delingen uıymnyń málimdemesinde.
Qaza tapqan tutqyn Tamır Adardyń anasy ıAel Adar 12-arnaǵa bergen suhbatynda bılik «jaqyndary qaıtarylmaǵan otbasylardy satyp ketti» dep málimdedi.
إسرائيل تعلن استمرار المفاوضات لاستكمال تسلمها من حركة حماس جثامين الأسرى، بعد التأكد من هويات أربعة منها تسلمتها مساء الاثنين ضمن اتفاق التبادل ووقف إطلاق النار في غزة.https://t.co/o5aRa9i8eu pic.twitter.com/n3pauyqz7C
— Anadolu العربية (@aa_arabic) October 14, 2025
Bul ýaqytta palestınalyq derekkózder Halyqaralyq Qyzyl Krest komıteti seısenbi kúni Izraıl túrmelerinde qaza tapqan 45 palestınalyqtyń máıitin Gaza sektoryna qaıtarǵanyn habarlady. Bul shara da atalǵan bitim aıasynda júzege asyrylǵan.